‘कमेडी च्याम्पियन’ सिजन ३ का विजेता सुनिललाई कार हस्तान्तरण

News Summary

Generated by OK AI. Editorially reviewed.

टिभी शो ‘कमेडी च्याम्पियन’ सिजन ३ का विजेता सुनिल खड्कालाई ३९ लाख मूल्य पर्ने नेटा भी मोडलको गाडी प्रदान गरिएको छ।
निर्देशक विशाल भण्डारीले असारमा फिनाले सकिएपनि विवादपछि अहिले मात्र पुरस्कार प्रदान गरिएको बताए।
फस्ट रनरअप ऋषभ काफ्ले र सेकेन्ड रनरअप सुएसा खनाललाई अर्को साता स्कुटर पुरस्कारस्वरुप प्रदान गरिनेछ।

काठमाडौं । टिभी शो ‘कमेडी च्याम्पियन’को सिजन ३ का विजेतालाई पुरस्कारस्वरुप गाडी हस्तान्तरण गरिएको छ । विहिबार आयोजित पत्रकार सम्मेलनमा निर्देशक तथा निर्माता विशाल भण्डारीले विजेता सुनिल खड्कालाई गाडी प्रदान गरे ।

सीजी मोटर्ससँगको सम्झौताअनुसार बजार मूल्य ३९ लाख रुपैयाँ पर्ने नेटा भी मोडलको गाडी प्रदान गरिएको हो । असारमा फिनाले सकिएपनि निर्माण कम्पनीको लगातारको विवादपछि अहिले मात्र पुरस्कार प्रदान गरिएको निर्देशक भण्डारीले बताए ।

फस्ट रनरअप ऋषभ काफ्ले र सेकेन्ड रनरअप सुएसा खनाललाई अर्को साता पुरस्कारस्वरुप स्कुटर प्रदान गरिने भएको छ । अहिले चलिरहेको ‘कमेडी नाइट विथ च्याम्पियन्स’को सिजन सकिएपछि डेढवर्षमा ‘कमेडी च्याम्पियन’को चौंथो सिजन आयोजनाको तयारी छ ।

‘कमेडी नाइट विथ च्याम्पियन्स’को कूल १०४ एपिसोड प्रसारण हुनेछ ।

तस्वीर :शंकर गिरी/अनलाइनखबर