विदेश पठाउने भन्दै ४ करोड ठगीको आरोपमा एक युवक पक्राउ

News Summary

Generated by OK AI. Editorially reviewed.

काठमाडौंमा वैदेशिक रोजगारीमा विदेश पठाउने भन्दै २९ वर्षीय त्रिलोक सिंहले चार करोड १७ लाख ९३ हजार २८० रुपैयाँ ठगी गरेको आरोपमा पक्राउ परेका छन्।
त्रिलोक सिंह बझाङको बुंगल नगरपालिका–६ का हुन् र काठमाडौं बुढानिलकण्ठ बस्दै आएका छन्।
उनी एन.ए.एन. मेरिटाएम ट्रेनिङ एण्ड एजेन्सी प्रालिका सञ्चालक रहेको र कारबाहीका लागि वैदेशिक रोजगार विभागमा पठाइएको छ।

२८ साउन, काठमाडौं । वैदेशिक रोजगारीमा विदेश पठाउने भन्दै चार करोड रुपैयाँ भन्दा बढी ठगी गरेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा बझाङको बुंगल नगरपालिका–६ घर भइ काठमाडौं बुढानिलकण्ठ बस्दै आएका २९ वर्षीय त्रिलोक सिंह छन् । उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।

विदेश पठाउने भन्दै उनले ६६ जनाबाट चार करोड १७ लाख ९३ हजार २८० रुपैयाँ ठगी गरेको आरोप छ । उनी एन.ए.एन. मेरिटाएम ट्रेनिङ एण्ड एजेन्सी प्रालिका सञ्चालक रहेको प्रहरीले बताएको छ ।

पक्राउ परेका उनलाई कारबाहीका लागि वैदेशिक रोजगार विभागमा पठाइएको अपराध अनुसन्धान कार्यालयका एसपी तथा प्रवक्ता काजिकुमार आचार्यले बताए ।