धावन मार्ग विस्तारका लागि जग्गा अधिग्रहण गर्दै सिमकोट विमानस्थल

News Summary

Generated by OK AI. Editorially reviewed.

हुम्लास्थित सिमकोट विमानस्थलको धावन मार्ग विस्तारका लागि २७ करोड ९४ लाख रुपैयाँ बजेट विनियोजन भएको छ।
नेपाल नागरिक उड्डयन प्राधिकरणको प्रधान कार्यालयले जग्गा अधिग्रहणका लागि बजेट विनियोजन गरेको नागरिक उड्डयन कार्यालय हुम्लाले जनाएको छ।
कोभिडपछि नेपालगन्जबाट सिमकोट विमानस्थल हुँदै ३ हजारदेखि ५ हजारसम्म भारतीय तिर्थयात्रीहरूले मानसरोवर कैलाश दर्शन गरेका छन्।

३० साउन, हुम्ला । हुम्लास्थित सिमकोट विमानस्थल विस्तारको लागि जग्गा अधिग्रहण हुने भएको छ । विमानस्थलको धावन मार्ग विस्तारको लागि जग्गा अधिग्रहण हुने भएको हो ।

जग्गा अधिग्रहणका लागि नेपाल नागरिक उड्डयन प्राधिकरणको प्रधान कार्यालयले २७ करोड ९४ लाख विनियोजन गरेको छ ।

०८२ साउन ३० गते पठाइएको पत्रानुसार बजेट विनियोजित भएको सिमकोट नागरिक उड्डयान कार्यालय हुम्लाले जनाएको छ ।

धावन मार्ग विस्तारको लागि जग्गा अधिग्रहण गर्न बजेट आएको नागरिक उड्डडान कार्यालय हुम्लाका प्रमुख महेन्द्र बहादुर सिहंले बताए ।

वर्षे सिजनमा लुक्लापछिकै व्यस्त विमानस्थल मध्ये सिमकोट विमानस्थल पर्दछ ।

कोभिड पछि नेपालगन्जबाट सिमकोट विमानस्थल हुँदै मानसरोवर कैलाश दर्शन गर्न भारतीय तिर्थयात्रीहरू भित्रिएका छन् ।

३ हजारदेखि ५ हजारसम्म भारतीय तिर्थयात्रीहरूले सिमकोट विमानस्थल हुँदै मानसरोवर भित्रिएका छन् ।