पाँडेले निर्देशन गर्ने ‘झरी पछिको इन्द्रेणी’को अस्ट्रेलिया वितरण अधिकार बिक्री

News Summary

Generated by OK AI. Editorially reviewed.

फिल्म ‘झरी पछिको इन्द्रेणी’को अस्ट्रेलिया वितरण अधिकार राम कार्कीले किनेका छन्।
कार्कीले फिल्मलाई अस्ट्रेलियाका प्रमुख सहरमा रिलिज गर्ने जानकारी दिएका छन्।
निर्देशक अर्जुन घिमिरे पाँडेले फिल्मको छायांकन चाँडै सुरु हुने जानकारी दिएका छन्।

काठमाडौं । प्रदर्शन अगाडि नै चर्चामा रहेको फिल्म ‘झरी पछिको इन्द्रेणी’को अस्ट्रेलिया वितरण अधिकार विक्री भएको छ । त्यहाँका वितरक तथा उद्यमी राम कार्कीले अधिकार किनेका छन् ।

फिल्मलाई अस्ट्रेलियाका प्रमुख सहरमा रिलिज गर्ने जानकारी उनले दिए । ‘यो फिल्म अस्ट्रेलियामा बसोबास गर्ने नेपाली समुदायका लागि मनोरञ्जनात्मक र सन्देशमूलक बन्नेछ भन्ने विश्वास छ’ उनले भने ।

शिक्षा र बसाइसराइ सम्बन्धी सेवामा सक्रिय कार्कीले अष्ट्रेलियामा मोर्टगेज ब्रोकर फर्म, एकाउन्टिङ फर्म तथा विभिन्न आतिथ्य सत्यकार सम्बन्धी व्यवसाय संचालन गरिरहेका छन् ।

यो फिल्मलाई अर्जुन घिमिरे पाँडेले निर्देशन गर्दैछन् । फिल्मबाट लामो समयपछि पाका अभिनेता गणेश उप्रेतीले पुनरागमन गर्दैछन् । फिल्ममा निर्मल शर्मा, रमेश उप्रेती, दीपाश्री निरौला लगायतका कलाकारको पनि अभिनय हुने जनाइएको छ ।

फिल्मको एक गीत र्‍यापर बालेनले गाउने जनाइएको छ । फिल्मको छायांकन चाँडै सुरु हुने जानकारी निर्देशक पाँडेले दिए । अन्य मुलुकमा समेत वितरण अधिकार विक्री गर्ने तयारी भैरहेको जनाइएको छ ।