सिम्पल खरेल बनिन् स्पोटीफाईमा मासिकरुपमा धेरै सुनिने नेपाली संगीतकर्मी

सुशान्त केसीका भन्दा दोब्बर श्रोता

अनलाइनखबर

२०८२ भदौ २ गते १३:४४

News Summary

Generated by OK AI. Editorially reviewed.

गायिका सिम्पल खरेल स्पोटीफाईमा मासिक १६ लाख २२ हजार श्रोतासँग नेपाली संगीतकर्मीमा सबैभन्दा बढी सुन्ने कलाकार बनेकी छन्।
सिम्पलको भजन गीत ‘राधा रानी लगे’ युट्युबमा २३ करोडभन्दा बढी पटक सुन्ने सबैभन्दा लोकप्रिय नेपाली गीत बनेको छ।
स्पोटीफाईमा सिम्पलको गीत ‘श्रीकृष्ण गोविन्द हरे मुरारी’लाई २ करोड ३१ लाखभन्दा धेरै पटक सुन्ने श्रोताहरू नेपाल र भारतमा रहेका छन्।

काठमाडौं । गायिका सिम्पल खरेलले युट्युबपछि स्पोटीफाईमा धेरै सुनिने नेपाली संगीतकर्मीको इतिहास रचेकी छन् ।

सोमबारसम्म विश्वसंगीतको लोकप्रिय अडियो प्लाटफर्म स्पोटीफाईमा खरेललाई मासिकरुपमा सुन्ने श्रोताको संख्या १६ लाख २२ हजार नाघेको छ ।

यो तथ्यांक लोकप्रिय गायक सुशान्त केसीलाई सुन्नेको भन्दा दोब्बर हो । सुशान्तलाई मासिकरुपमा सुन्नेको संख्या ७ लाख ६६ हजार छ ।

स्पोटीफाईमा सज्जनराज वैद्यलाई ४ लाख, विपुल क्षेत्रीलाई १ लाख ६७ हजार, लिल झोलालाई १ लाख ३४ हजार, भिटेनलाई १ लाख १६ हजार, नवाज अन्सारीलाई १ लाख १३ हजार पटक मासिकरुपमा सुन्ने श्रोताको संख्या छ ।

सिम्पलको भजन गीत ‘राधा रानी लगे’ युट्युबमा अहिलेसम्म सबैभन्दा धेरै सुनिएको नेपाली संगीतकर्मीको गीत बनेको छ । उक्त गीतलाई अहिलेसम्म २३ करोडभन्दा धेरै पटक सुनिएको छ ।

श्रोतामाझ सिम्पल भजन गायिकाको रुपमा परिचित छन् । स्पोटीफाईमा उनको गीत ‘श्रीकृष्ण गोविन्द हरे मुरारी’लाई अहिलेसम्म २ करोड ३१ लाखभन्दा धेरै पटक सुनिएको छ ।

‘राधा रानी लगे’लाई ९७ लाख पटक सुनिएको छ । सिम्पलका गीतका अधिकांश श्रोता नेपाल र भारतमा छरिएका छन् । नेपालीभाषी थलोमा पनि उनका गीत निकै रुचाइएको अनुमान छ ।

यो पनि पढ्नुहोस