रेसिपी : छिटो र मिठो नेपाली ब्रेकफास्ट कसरी बनाउने ?(भिडियो)

बिहानको खाजा (ब्रेकफास्ट) स्वस्थ रहनका लागि अत्यन्तै महत्वपूर्ण छ । किनभने यसले दिनभरका लागि ऊर्जा प्रदान गर्छ, मस्तिष्कको कार्यक्षमता बढाउँछ । मेटाबोलिजम गतिलाई सक्रिय बनाउँछ ।

छिटो, मिठो र स्वस्थवर्द्धक ब्रेकफास्ट कसरी बनाउने भन्नेबारे पाँच तारे सोल्टी होटेलका एक्जिक्युटिभ सु–सेफ आरबी बुढाथोकीको रेसिपी यस्तो छ

सामग्री (१ व्यक्तिका लागि)

१. मौसमी फलफूल

२. सादा दही ४ चम्चा

३. चिया सिड वा एक रात भिजाएको बन सिलाम

४. डाईनट्स

५. सूर्यमुखीको बियाँ

६. समय : १० मिनेट

७. गहुँ, जौको चिउरा ७० प्रतिशत र टाइचिनको चिउरा ३० प्रतिशत

८. चिउरा छैन भने मुस्ली हाल्न सकिन्छ ।

बनाउने तरिका

-एक कचौरामा गहुँ र जौलाई एकरात भिजाएर ओखलमा धुलो नहुने गरी पिस्ने । त्यो सम्भव नभए टाइचिनको चिउरा वा मुस्ली राख्ने ।

– मौसमी फलफूल हाल्ने । त्यसमाथि दही हाल्दिने ।

– त्यसपछि वनसिलाम हाल्दिने ।

– बदाम, काजु र चिया सिड हालेर सजाउने ।

– अब तपाईंको नेपाली ब्रेकफास्ट तयार भयो ।

– यो पस्किदा माथि बाँकी ड्राई फ्रुट्स राखेर सजाउने ।

फाइदा

-मौसमी फलफूलले भिटामिन र खनिज पदार्थको आपूर्ति गर्छ ।

-ओट्समा फाइबर हुन्छ जसले पाचन प्रणालीलाई स्वस्थ राख्छ । दहीले प्रोटिन र प्रोबायोटिक्स प्रदान गर्छ ।

-हेर्दा थोरै भए पनि शरीरलाई दिनभर उर्जावान बनाउन निकै मद्दत गर्छ ।