अस्ट्रेलियाको तीज कार्यक्रम : शिवाकोटीसँगै गाउँदै, नाच्दै रमाए नेपाली

News Summary

Generated by OK AI. Editorially reviewed.

संगीतकार राजनराज शिवाकोटीले अस्ट्रेलियाको सेन्ट्रल कोस्ट र न्यूक्यासलमा तीजको अवसरमा बहुचर्चित गीतहरू प्रस्तुत गरे।
सेन्ट्रल कोस्टमा तीज फरक शैलीमा मनाइएको नेपाली कम्युनिटिका अध्यक्ष सन्तोश शर्माले बताए।
शिवाकोटीले अगस्ट २३ मा एडिलेडमा हुने एनआरएनए नारी निकुन्ज साउथ अष्ट्रेलियाको तीज कार्यक्रममा पनि प्रस्तुति दिनेछन्।

काठमाडौं । नेपालबाट तीजको कार्यक्रमका लागि अस्ट्रेलिया पुगेका संगीतकार तथा गायक राजनराज शिवाकोटीले सेन्ट्रलकोस्ट र न्यूक्यासलमा आफ्नो प्रस्तुति राखेका छन्

उनले आफ्ना बहुचर्चित सुर्केथैली खै, पूर्व-पस्चिम रेल, चेप्टे चेप्टे पेरुङ्गो कुटुमाकुटु, गोजीमा दाम छैन लगायत दर्जनौं गीत मार्फत दर्शकलाई मनोरञ्जन गराए ।

सेन्ट्रल कोस्टमा यो पटकको तीज फरक शैलीमा मनाइएको नेपाली कम्युनिटिका अध्यक्ष सन्तोश शर्माले जानकारी दिए ।

नेपाली माटोमा उभिएर माटोकै सुगन्ध भेटिने गीतहरू भएका कारण सबै दर्शक स्रोताहरुले उनलाई मन पराएको शर्माले बताए।

सर्वाधिक चर्चा पाएका गीतहरू प्रत्यक्ष सुन्न र नाच्न आएका सहभागीहरू सँगसँगै नाच्दै र गाउँदै रमाइलो गरे।

शिवाकोटीले करिब दुई घण्टासम्म आफ्नो प्रस्तुति दिए ।

यसपछि २३ अगस्ट शनिबारको दिन एनआरएनए नारी निकुन्ज साउथ अष्ट्रेलियाको आयोजनामा एडिलेडमा हुने तीजको कार्यक्रममा शिवाकोटीले प्रस्तुति राख्दैछन् ।