‘गाउँ आएको बाटो’ शुक्रबारदेखि बेलायतमा

News Summary

Generated by OK AI. Editorially reviewed.

नवीन सुब्बा निर्देशित फिल्म 'गाउँ आएको बाटो' शुक्रबारदेखि बेलायतका २८ हलमा प्रदर्शनमा आउने भएको छ।
फिल्मको बेलायत वितरण अधिकार 'अन्डरग्राउन्ड स्लेट'ले दुई वर्षका लागि किनेको छ।
निर्देशक आमोद राईले बेलायत रिलिजको पूर्वसन्ध्यामा उत्साह व्यक्त गर्नुभएको छ।

काठमाडौं । नवीन सुब्बा निर्देशित कथानक फिल्म ‘गाउँ आएको बाटो’ शुक्रबारदेखि बेलायतमा प्रदर्शनमा आउने भएको छ ।

त्यहाँको एसफर्ड सिनेमाको ६ हल, सिनेवर्ल्डका ९ र भ्यू सिनेमाका १३ हलबाट फिल्म रिलिज हुनेछ ।

ती हलहरू लण्डन, क्याटरिक, बेसिङस्टोक, म्यानचेस्टर ग्रेट नर्थ, ग्रीनवीच, अल्डरसट, एसफर्ड, फेल्थम, ग्लास्गो, साउथ रुइस्लिप, एडिनवर्ग लगायतका क्षेत्रमा छन् ।

फिल्मको बेलायत वितरण अधिकार ‘अन्डरग्राउन्ड स्लेट’ले किनेको छ । टोरन्टो र बुसानजस्ता प्रतिष्ठित अन्तर्राष्ट्रिय फेस्टिभलमा स्क्रिनिङ भैसकेको दयाहाङ राई स्टारर फिल्मलाई उक्त कम्पनीले भावनात्मक गहिराइ, काव्यात्मक दृश्यभाषा र सशक्त कथावाचनसहितको बताएको छ ।

‘परम्परागत वितरण मोडेललाई पुनःपरिभाषित गर्न र मुख्यधाराका सिनेमामा बेवास्ता गरिने विश्वव्यापी आवाजलाई समर्थन गर्न प्रतिबद्ध स्टार्टअपको रुपमा अ रोड टु अ भिलेज पहिलो हो’ कम्पनीले भनेको छ ।

कम्पनीले २ वर्षको लागि बेलायत राइट किनेको हो । बेलायत रिलिजको पूर्वसन्ध्यामा निर्देशक आमोद राईले उत्साह व्यक्त गरे ।

आगामी जनवरी अन्त्यमा यो फिल्म इटाली र ताइवानमा प्रदर्शन तयारीमा छ ।