युट्युबले अस्कर अवार्डको राइट किन्न अघि बढायो छलफल

News Summary

Generated by OK AI. Editorially reviewed.

अस्कर अवार्डको प्रसारण अधिकार सन् २०२९ देखि नयाँ सम्झौताअन्तर्गत कसले लिने भन्ने विषयमा नेटफ्ल्क्सि, प्राइम भिडियो र युट्युबले रुचि देखाएका छन्।
अमेरिकी टेलिभिजन एबीसीले सन् २०२८ सम्म एकेडेमी अफ मोसन पिक्चर आट्र्स एण्ड साइन्सेजसँगको सम्झौताअनुसार अस्कर अवार्ड प्रसारण गर्दै आएको छ।
युट्युब टिभी प्याकेज कार्यक्रमअन्तर्गत युट्युबले अस्कर राइट खरिद गर्ने बारेमा छलफल अघि बढाइरहेको ब्लूमबर्गले जनाएको छ।

लस एन्जलस । अस्कर अवार्डको प्रसारण अधिकार कसले लिने भन्ने बारेमा नेटफ्ल्क्सि, प्राइम भिडियो लगायतका ओटीटी प्लाटफर्मले रुचि देखाएको कुरा नौलो रहेन ।

विश्व फिल्मको प्रतिष्ठित अवार्ड समारोहलाई अमेरिकी टेलिभिजन एबीसीले प्रसारण गर्दै आएको छ । अन्य कम्पनीले पनि यसको राइट खरिद गर्न चासो दिँदै आएका छन् ।

पछिल्ला वर्षमा नेटफ्ल्क्सि र अमेजन प्राइमले आफ्ना विषयवस्तुमा विविधता पस्किँदै आइरहेका छन् । यस्तोमा, गुगलको स्वामित्व रहेको युट्युबले पनि अस्करको अधिकार खरिद गर्ने बारेमा अहिले छलफल अघि बढाइरहेको छ ।

युट्युब टिभी प्याकेज कार्यक्रमअन्तर्गत युट्युबले अस्कर राइट किन्न खोजेको ब्लूमबर्गले जनाएको छ । यस हप्ताको सुरुमा, युट्युबमा ट्राभिस र जेसन केल्सेको न्यु हाइट्स पोडकास्टमा टेलर स्विफ्टको उपस्थितिको बारेमा चर्चा रह्यो । यसमा लाइभ दर्शकहरूको संख्या उच्च थियो ।

नेटवर्कको एकेडेमी अफ मोसन पिक्चर आट्र्स एण्ड साइन्सेजसँगको हालको सम्झौता अन्तर्गत, एकेडेमी अवार्ड सन् २०२८ सम्म एबीसीमा जारी रहनेछ । नयाँ सम्झौताले सन् २०२९ देखि सुरु हुने समारोहको अधिकारलाई समेट्नेछ ।