नीताले अस्ट्रेलियामा गरिन् तीजव्रत कार्यक्रमको शुभारम्भ

News Summary

Generated by OK AI. Editorially reviewed.

अष्ट्रेलियाको न्यू साउथ वेल्सस्थित बरउडमा नेपाली हिन्दु समाजले तीज महोत्सव सुरु गरेको छ।
अभिनेत्री नीता ढुङ्गानाले तीजको व्रत कार्यक्रमको शुभारम्भ गरिन् र सांस्कृतिक कार्यक्रमहरू आयोजना गरिएको छ।
कार्यक्रम बिहान १० बजेदेखि बेलुकी ८ बजेसम्म चल्नेछ र ज्योतिष तथा अभिनेता हरिहर अधिकारीले सांगीतिक प्रस्तुति दिनेछन्।

अष्ट्रेलियाको न्यू साउथ वेल्सस्थित बरउडमा नेपाली हिन्दु समाजको आयोजनामा तीज महोत्सव सुरु भएको छ ।

नेपाली समुदायको सहभागितामा आयोजना गरिएको कार्यक्रममा अभिनेत्री तथा निर्मात्री नीता ढुङ्गानाले तीजको व्रत कार्यक्रमको शुभारम्भ गरिन् ।

महोत्सवमा सांस्कृतिक प्रस्तुति, पूजापाठ, नृत्य, तथा तीज सम्बन्धित विविध कार्यक्रम समावेश गरिएको आयोजकले जनाएका छन् । कार्यक्रम बिहान १० बजेदेखि बेलुकी ८ बजेसम्म सञ्चालन हुने छ ।

कार्यक्रममा अभिनेत्री ढुङ्गानासँगै ज्योतिष तथा अभिनेता हरिहर अधिकारीले सांगीतिक प्रस्तुति दिने भएका छन् । अभिनेता अधिकारीका अनुसार, कार्यक्रममा साँझ दुईवटा स्टेज प्रदर्शनको तयारी गरिएको छ ।

नेपाली हिन्दु समाजले अष्ट्रेलियामा रहेका सम्पूर्ण नेपाली समुदायलाई महोत्सवमा सहभागी हुन आह्वान गरेको छ । आयोजकका अनुसार, महोत्सवले नेपाली संस्कृति संरक्षण र प्रवर्धनसँगै समुदायबीच आपसी भेटघाट र सम्पर्क विस्तारमा योगदान पुर्‍याउने अपेक्षा गरिएको छ ।