प्रभावित हललाई क्षतिपूर्ति दिन सरकारलाई चलचित्र निर्माता संघको आग्रह

News Summary

Generated by OK AI. Editorially reviewed.

चलचित्र निर्माता संघले जेनजी आन्दोलनको क्रममा प्रभावित सिनेमाघर व्यवसायीलाई आवश्यक क्षतिपूर्ति प्रदान गरि पुनस्र्थापित गर्न सरकारलाई आग्रह गरेको छ।
संघका अध्यक्ष नवल खड्काले चलचित्र उद्योग संरक्षण र संक्रमणकालिन अवस्थामा चलचित्र प्रदर्शकलाई आत्मबल बलियो बनाएर पुननिर्माणमा लाग्न आग्रह गर्नुभएको छ।
संघले जेनजी आन्दोलनमा भएको आगजानी र तोडफोडबाट ४ वटा हलमा १७ करोड रुपैयाँ बराबरको क्षति पुगेको जनाएको छ।

काठमाडौं । जेनजी आन्दोलनको क्रममा प्रभावित सिनेमाघर व्यवसायीलाई आवश्यक क्षतिपूर्ति प्रदान गरि पुनस्र्थापित गर्न चलचित्र निर्माता संघले सरकारलाई आग्रह गरेको छ ।

विज्ञप्ति जारी गर्दै अध्यक्ष नवल खड्काले चलचित्र उद्योगलाई संरक्षण गर्न आग्रह गरेका छन् । साथै, चलचित्र प्रदर्शकलाई संक्रमणकालिन अवस्थामा आत्मबल बलियो बनाएर पुननिर्माणमा लाग्न आग्रह गरेको छ ।

संघले सिनेमाघर मनोरञ्जनका केन्द्र मात्र नभई राष्ट्रिय संस्कृतिको संरक्षण, संवर्धन र चलचित्र बजारको विस्तार गर्ने महत्वपूर्ण आधारशिला रहेको जनाएको छ ।

‘यस्ता सांस्कृतिक संरचनामाथि गरिएको आगजानी र तोडफोड लोकतान्त्रिक मूल्य मान्यताको ठाडो उल्लंघन हो’ विज्ञप्तिमा भनिएको छ ।

प्रदर्शकको छाता संस्था चलचित्र संघका अनुसार जेनजी आन्दोलनको क्रममा भएको आगजानी र तोडफोडबाट ४ वटा हलमा १७ करोड रुपैयाँ बराबरको क्षति पुगेको छ ।