काठमाडौं । व्यापारिक घराना गोल्यान ग्रुपले विगतलाई सम्मान गर्दै भावी पुस्ताका लागि सुन्दर र समृद्ध नेपाल निर्माणमा जुट्न आह्वान गरेको छ ।
गत साता भएको जेनजी संघर्षका सन्दर्भमा उसले यसका लागि प्रत्येक संस्था, व्यापारिक प्रतिष्ठान र हरेक व्यक्ति एकजुट हुनुपर्ने बताएको हो ।
‘अबको यात्रामा साहस, सहकार्य र अटल प्रतिबद्धताको आवश्यकता छ,’ ग्रुपले आफ्नो फेसबुक पेजमार्फत भनेको छ, ‘सबल र समृद्ध राष्ट्र निर्माणका लागि हामी सँगसँगै छौं ।’
गोल्यानले संघर्षबाट आशा र उज्यालो भविष्यप्रति अटल विश्वासले भरिपूर्ण नयाँ पुस्ताको उदय भएको जनाएको छ ।
‘यो एक नयाँ सुरुवात हो, जसले बलिदानलाई सम्मान र न्यायलाई समर्थन गर्दछ, अनि हामी सबैलाई प्रगति तथा समृद्धितर्फ डोर्याउँदछ,’ ग्रुपले भनेको छ ।
ग्रुपले पहिलो महिला प्रधानमन्त्रीका रूपमा सुशीला कार्कीको नियुक्तिलाई इतिहासको एक नयाँ अध्याय भनेको छ । ‘हाम्रो राष्ट्रको भविष्य अब विगतमा सीमित छैन भन्ने गहन घोषणा पनि हो,’ उसको भनाइ छ ।
यस क्षणमा पुग्नका लागि राष्ट्रले ठूलो मूल्य चुकाएको र परिवर्तनका लागि सहादत प्राप्त गर्ने सबैको सपनाप्रति दृढ संकल्पित हुनुपर्ने ग्रुपले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
Insert%20Rename%20Macros.jpeg "House for Sale at Imadol")
प्रतिक्रिया 4