लुटपाट भएका सामान नबोक्न ट्रक व्यवसायी महासंघको निर्देशन

News Summary

Generated by OK AI. Editorially reviewed.

नेपाल ट्रक यातायात व्यवसायी महासंघले हालैको आन्दोलनमा लुटपाट र चोरी भएका सामान ढुवानी नगर्न आफ्ना सदस्यलाई निर्देशन दिएको छ।
महासंघका महासचिव राजेन्द्र विक्रम बानियाँले २३ र २४ भदौमा भएको आगजनी, तोडफोड र लुटपाटका क्रममा चोरी भएका सामग्री ओसारपसार हुन सक्ने आशंका व्यक्त गरे।
महासंघले अवैध ओसारपसारले कानुनी समस्या निम्तिन सक्ने भन्दै सबै सदस्यलाई सचेत रहन र त्यस्ता सामान नओसार्न आग्रह गरेको छ।

३१ भदौ, काठमाडौं । नेपाल ट्रक यातायात व्यवसायी महासंघले हालै भएको आन्दोलनका क्रममा लुटपाट र चोरी भएका सामान ढुवानी नगर्न आफ्ना सदस्य व्यवसायीलाई निर्देशन दिएको छ ।

महासंघका महासचिव राजेन्द्र विक्रम बानियाँले सोमबार जारी गरिएको सूचनामा २३ र २४ भदौमा भएको आन्दोलनका क्रममा विभिन्न कार्यालय र पसलमा भएको आगजनी, तोडफोड र लुटपाटका क्रममा चोरी भएका हतियार तथा अन्य सामग्री ढुवानी साधनमार्फत ओसार–पसार हुन सक्ने आशंका रहेको जनाएका छन् ।

यसरी लुटपाटमा परेका सामानहरूको अवैध ओसारपसार भएमा कानुनी समस्या निम्तिन सक्ने भन्दै महासंघले सबै सदस्य संस्थालाई सचेत रहन र व्यवसायीलाई त्यस्ता सामान नओसार्न आग्रह गरेको छ ।