जेनजी शहीदको स्मृतिमा ‘मिसेस नेपाल वर्ल्ड’का प्रतिस्पर्धीले गरे दीप प्रज्वलन

News Summary

Generated by OK AI. Editorially reviewed.

मिसेस नेपाल वर्ल्ड २०२५ का प्रतिस्पर्धीले संसद भवन परिसरमा दीप प्रज्वलन गर्दै जेनजी शहिदलाई श्रद्धाञ्जली अर्पण गरेका छन्।
शहिदको बलिदानलाई खेर जान नदिन र भ्रष्टाचार अन्त्यका लागि एकताबद्ध हुने संकल्प व्यक्त गरिएको छ।
जेनजी आन्दोलनमा ज्यान गुमाउनेको संख्या ७४ पुगेको छ र सरकारले उनीहरूलाई शहिद घोषणा गरेको छ।

काठमाडौं । जेनजी शहीदको सम्झनामा सौन्दर्य प्रतियोगिता ‘मिसेस नेपाल वर्ल्ड २०२५’ का प्रतिस्पर्धीले संसद भवन परिसरमा दीप प्रज्वलन गर्दै श्रद्धाञ्जली अर्पण गरेका छन् ।

बुधबार बेलुका दीप प्रज्वलन गदैै उनीहरूले शहिदको बलिदानलाई खेर जान दिन नहुने बताए । साथै, भ्रष्टाचार अन्त्यका लागि एकताबद्ध हुने संकल्प व्यक्त गरे ।

शहिदको योगदानले नयाँ पुस्तामा आशा र परिवर्तनको प्रेरणा जगाउने उनीहरूको भनाइ थियो । आयोजक संस्था रिबन इन्टरटेन्मेन्ट प्रालिका प्रतिनिधिले श्रद्धाञ्जली कार्यक्रम भ्रष्टाचारविरुद्धको आवाज रहेको बताए ।

युवा र सामाजिक अभियन्ताको समेत सहभागी रहेको कार्यक्रममा मौन धारण गर्दै सहिदको आत्माको चिरशान्तिको कामना समेत गरिएको थियो ।

जेनजी आन्दोलनमा ज्यान गुमाउनेको संख्या बुधबारसम्म ७४ पुगेको छ । आन्दोलनपछि गठित सरकारको पहिलो मन्त्रिपरिषद् बैठकले ज्यान गुमाउने जेनजीलाई शहिद घोषणा गरेको थियो ।

बुधबार देशभर शोक बिदा समेत दिइएको छ ।