विद्युत विकास विभागले पायो पहिलो महिला महानिर्देशक, मनदेवी श्रेष्ठ नियुक्त

कुलमानायलाई शून्य अंक दिएका जीवछ हटाइए

अनलाइनखबर

२०८२ असोज १० गते २१:२७

News Summary

Generated by OK AI. Editorially reviewed.

विद्युत विकास विभागको महानिर्देशक पदमा मनदेवी श्रेष्ठ पहिलो महिला नियुक्त भएकी छन्।
मन्त्रीस्तरको निर्णयबाट जीवछ मण्डललाई जल तथा ऊर्जा आयोगको सचिवालयमा सरुवा गरिएको छ।
मनदेवी पहिले विभागको उपमहानिर्देशक पदमा कार्यरत थिइन्।

१० असोज, काठमाडौं । विद्युत विकास विभागको महानिर्देशक पदमा मनदेवी श्रेष्ठ नियुक्त भएकी छन् । विभागको महानिर्देशक महिला बनेको यो पहिलोपटक हो ।

यसअघि विभागको महानिर्देशक जीवछ मण्डल थिए ।

मन्त्रीस्तरको निर्णयबाट मण्डललाई जल तथा ऊर्जा आयोगको सचिवालयमा सरुवा गरेर मनदेवीलाई विभागको महानिर्देशक बनाइएको ऊर्जा, जलस्रोत तथा सिंचाइ मन्त्री कुलमान घिसिड.को सचिवालयले जनाएको छ ।

यसअघि मनदेवी विभागमै उपमहानिर्देशक पदमा कार्यरत थिइन् ।

जीवछले शून्य अंक दिएका थिए कुलमानलाई

जीवछले यसअघि कुलमानलाई कार्यसम्पादन मूल्यांकनमा शून्य अंक दिएका थिए ।

कार्यसम्पादन मूल्यांकनलाई समेत आधार बनाएर तत्कालीन सरकारले कुलमानलाई नेपाल विद्युत प्राधिकरणको कार्यकारी निर्देशक पदबाट हटाएर हितेन्द्रदेव शाक्यलाई नियुक्त गरिएको थियो ।

जेनजी युवा आन्दोलनबाट तत्कालीन सरकार हटेर बनेको अन्तरिम सरकारमा कुलमान ऊर्जामन्त्री बनेपछि उनले हितेन्द्रदेवलाई हटाएर मनोज सिलवाललाई नियुक्त गरेका छन् ।

आज उनले विद्युत विकास विभागको महानिर्देशक पनि फेरेका छन् ।