वसन्तपुरमा दशैंको रौनक (तस्वीरहरू)

News Summary

Generated by OK AI. Editorially reviewed.

काठमाडौंको वसन्तपुरमा दशैंको टीका ग्रहण गरेका सर्वसाधारणहरू आफन्त तथा साथीभाईसँग रमाइरहेका छन्।
यस वर्षको दशैंको टीकाको बिहान ११ बजेर ५३ मिनेट निर्धारण गरिएको थियो र नेपाल पञ्चाङ्ग निर्णायक विकास समितिले साइतपछि पनि टीका लगाउन मिल्ने बताएको छ।
कोजाग्रत पूर्णिमाका दिन महालक्ष्मीको व्रत बसेर पूजा गरेपछि दशैं पर्व समापन हुन्छ र नेपालभर दशैं महान् पर्वका रुपमा मनाइन्छ।

१६ असोज, काठमाडौं । काठमाडौंको वसन्तपुरमा यतिबेला दशैंको चहलपहल छ । बडादशैंको टीका ग्रहण गरेका सर्वसाधारणहरू वसन्तपुरमा आफन्त तथा साथीभाईसँग रमाइरहेको दृश्य देखिन्छ ।

कति सर्वसाधारण वसन्तपुरस्थित मन्दिरमा पूजाका लागि लामबद्ध समेत देखिन्छन् ।

युवायुवतीहरू निधामा टीका र शिरमा जमरा सिउरिएर आपसमा फोटो खिचेर रमाइरहेका देखिन्छन् । यस वर्षको दशैंको टीकाको आज बिहान ११ बजेर ५३ मिनेट निर्धारण गरिएको थियो ।

जनस्तरमा साइतपछि पनि टीका लगाउने चलन छ । टाढका आफन्तको पुगेर पूर्णिमासम्म पनि दशैंको टीका र आशिर्वाद ग्रहण गर्ने चलन छ ।

साइतपछि पनि टीका लगाउन मिल्ने भनेर नेपाल पञ्चाङ्ग निर्णायक विकास समितिले जनाएको छ ।

कोजाग्रत पूर्णिमाका दिन महालक्ष्मीको व्रत बसी पूजा गरेपछि दशैं पर्व समापन हुन्छ । नेपालभर दशैं महान् पर्वका रुपमा मनाइन्छ । विदेशमा रहेका नेपालीले पनि एकापसमा जम्मा भई दशैं मनाउने गर्छन् ।