‘मिस अर्थ’ मा चम्किइन सोनी : नेपालसामु ७ वर्षपछि इतिहास दोहोर्‍याउने अवसर

News Summary

Generated by OK AI. Editorially reviewed.

नेपालकी सोनी घलेले फिलिपिन्समा जारी मिस अर्थ २०२५ को ट्यालेन्ट राउण्डमा स्वर्ण पदक जितेकी छिन्।
फेसन म्यागजिन मिसोलोजीले सोनीलाई बलियो प्रतिस्पर्धी र सेमीफाइनलिस्ट बन्ने दावेदारको रुपमा प्रस्तुत गरेको छ।
सन् २०१८ पछि नेपाललाई मिस अर्थको सेमिफाइनलमा फिर्ता ल्याउने सम्भावना सोनीमा देखिएको छ।

काठमाडौं । यदि तपाईं सौन्दर्य प्रतियोगितालाई पछ्याउनुहुन्छ भने यतिबेला सबैको ध्यानमा फिलिपिन्समा जारी ‘मिस अर्थ २०२५’ को प्रतिस्पर्धामा केन्द्रित छ ।

प्रतिस्पर्धामा नेपालको प्रतिनिधित्व मिस नेपाल अर्थ सोनी घलेले गरिरहेकी छिन् । केही दिनअघि उनले ‘ट्यालेन्ट राउण्ड’मा स्वर्ण पदक जितेपछि त उनको चर्चा नेपालमात्र होइन, विदेशमा समेत चुलिएको छ ।

स्वर्णसँगै उनले सबैको ध्यान खिचेकी छन् । फेसन म्यागजिन मिसोलोजीले त बलियो प्रतिस्पर्धीको रुपमा सोनीले आफूलाई प्रस्तुत गरिरहेको बताएको छ । ‘के उनले आफूलाई सेमी-फाइनलिस्टको रुपमा अघि बढाउलिन् ?’ म्यागजिनले भनेको छ ।

मिसोलोजीले लेखेको छ, ‘नेपालकी सोनी घले बिस्तारै यस संस्करणको सबैभन्दा बलियो दावेदार मध्ये एक बन्दैछिन् । के उनी सन् २०१८ पछि नेपाललाई मिस अर्थको सेमिफाइनलमा फिर्ता ल्याउने व्यक्ति हुनेछिन् ? हामी हेरिरहेका छौं ।’

सन् २०१८ मा नेपालको प्रतिनिधित्व गरिरहेकी प्रिया सिग्देलले त्यतिबेला फिलिपिन्समै सम्पन्न ‘मिस अर्थ २०१८’मा सेमीफाइनलमा प्रवेश गरेकी थिइन् । उनले त्यतिबेला ‘बेस्ट इको भिडियो’ अवार्ड पनि जितेकी थिइन् ।

सोनीलाई प्रतिस्पर्धामा भोट गर्न द हिडन ट्रेजरले आग्रह गरेको छ ।