आईएमई लाइफ इन्स्योरेन्सको नाफा ९ प्रतिशत बढ्यो

News Summary

Generated by OK AI. Editorially reviewed.

आईएमई लाइफ इन्स्योरेन्सले चालु आर्थिक वर्षको पहिलो त्रैमासिकमा १५ करोड ८३ लाख रुपैयाँ खुद नाफा कमाएको छ।
खुद नाफा अघिल्लो वर्षको तुलनामा ९.१७ प्रतिशतले वृद्धि भएको छ।
खुद प्रिमियम आम्दानी १ अर्ब १६ करोड रुपैयाँबाट १ अर्ब ५३ करोड रुपैयाँ पुगेको छ।

२५ कात्तिक, काठमाडौं । आईएमई लाइफ इन्स्योरेन्सले चालु आर्थिक वर्षको पहिलो त्रैमासिक वित्तीय विवरण सार्वजनिक गरेको छ ।

सार्वजनिक विवरणअनुसार अघिल्लो आवको समीक्षा अवधिको तुलनामा खुद नाफा ९.१७ प्रतिशत बढेको छ । कम्पनीले पहिलो त्रैमासमा १५ करोड ८३ लाख रुपैयाँ खुद नाफा कमाएको छ ।

गत वर्षको यसै अवधिमा यस्तो नाफा १४ करोड ५० लाख रुपैयाँ थियो । खुद प्रिमियम आम्दानीमा भएको वृद्धिले नाफामा सकारात्मक प्रभाव पारेको देखिन्छ । खुद प्रिमियम आम्दानी पहिले १ अर्ब १६ करोड रुपैयाँ रहेकोमा अहिले १ अर्ब ५३ करोड रुपैयाँ छ ।

कम्पनीको नाफासँगै प्रतिसेयर आम्दानी बढेको छ । पहिले ११.६० रुपैयाँ रहेको प्रतिसेयर आम्दानी अहिले १२.६७ प्रतिशत छ । प्रतिसेयर नेटवर्थ १३७ रुपैयाँ ४१ पैसा छ । ५ अर्ब चुक्ता पूँजी रहेको यस कम्पनीको विपत्ति/प्रकोप कोषमा २७ करोड ८६ लाख सञ्चित छ ।

खुद सञ्चित नाफा ८६ करोड २६ लाख रुपैयाँ छ । सोमबार बजार बन्द हुँदा सेयर मूल्य प्रतिकित्ता ४४६ रुपैयाँ छ ।