‘महारानीको जात्रा’ हेर्न पुगे मदनकृष्ण र सन्दीप

News Summary

Generated by OK AI. Editorially reviewed.

अभिनेता मदनकृष्ण श्रेष्ठले 'परान' को व्यवसायिक सफलताले खुसी व्यक्त गर्नुभएको छ।
उहाँले कान्तिपुर थिएटरमा मञ्चन भइरहेको 'महारानीको जात्रा' नाटक क्रिकेटर सन्दीप लामिछानेसँगै हेर्नुभएको छ।
क्रिकेटर लामिछानेले कलाकारको मिहेनतको उच्च सम्मान गर्ने बताउनुभयो र नाटक हेरेर खुसी लागेको उल्लेख गर्नुभयो।

काठमाडौं । ‘परान’ को व्यवसायिक सफलताले अभिनेता मदनकृष्ण श्रेष्ठलाई यतिबेला खुसी दिइरहेको छ । उनलाई कार्यक्रममा सहभागी हुन र अन्तर्वार्ता दिन भ्याइनभ्याइ छ ।

यस्तोमा, उनले विहिबार बेलुका कान्तिपुर थिएटरमा मञ्चन भैरहेको नाटक ‘महारानीको जात्रा’ हेरे । क्रिकेटर सन्दीप लामिछानेसँगै बसेर उनले नाटक अवलोकन गरे ।

यो नाटक हेर्दा आफूलाई विगतको सम्झना आएको बताए । नाटक हेर्दा रमाइलो लागेको पनि उनले बताए ।

‘महारानीको जात्रा नाटक हेर्दा रमाइलो लाग्यो । धेरै भएको थियो नाटक नहेरेको । अहिले धेरै पछि नाटक हेर्ने मौका मिल्यो । ऊ बेलामा हामीले नाटक गरेको सम्झनाहरू पनि आयो’ उनले भने ।

क्रिकेटर लामिछानेले कलाकारको मिहेनतको उच्च सम्मान गर्ने बताए । ‘पहिलोपटक नाटक हेर्न पाउँदा निकै खुसी लाग्यो। कलाकारहरूको जीवन्त अभिनय, लामो समयसम्म प्रत्यक्ष अभिनय गरेको देख्दा साँच्चै नै रमाइलो लाग्यो’ उनले भने, ‘कलाकारकोे मिहिनेतको उच्च सम्मान गर्छु । धेरै समय भएको थियो, मलाई आउन मन लागिरहेको थियो । आज हेर्न पाउँदा खुसी लाग्यो ।’

कान्तिपुर थिएटरले २४ कात्तिकदेखि थालेको नाटकको मञ्चन २० मंसिरसम्म चल्नेछ । दीपल बराल निर्देशित नाटकमा उषा रजक, राज न्यौपाने, सुहाना आचार्य, निकिता आचार्य लगायतको अभिनय छ ।