जेलेन्स्कीका प्रमुख सल्लाहाकार यरमकको अपार्टमेन्टमा छापामारी

News Summary

Generated by OK AI. Editorially reviewed.

युक्रेनको भ्रष्टाचार प्रतिरोधी निकायले राष्ट्रपति जेलेन्स्कीका प्रमुख सल्लाहाकार एन्ड्री यरमकको निवासमा छापा मारेको छ।
यरमकमाथि १० करोड डलर भ्रष्टाचार आरोप लागेको छ तर जेलेन्स्कीमाथि कुनै आरोप छैन।
यरमकले रूसविरुद्ध युद्धमा महत्त्वपूर्ण भूमिका खेलेका छन् र अमेरिकासँग शान्ति वार्तामा प्रमुख वार्ताकार हुन्।

१२ मंसिर, काठमाडौं । युक्रेनको भ्रष्टाचार प्रतिरोधी निकायले राष्ट्रपति भोलोदिमिर जेलेन्स्कीका प्रमुख सल्लाहाकार एन्ड्री यरमकको निवासमा छापा मारेको छ ।

भ्रष्टाचार प्रतिरोधी दुई संस्थाले जेलेन्स्कीका प्रमुख सल्लाहाकार यरमकको अपार्टमेन्टमा छापामारी गर्ने अनुमति प्राप्त गरेको अधिकारीहरूलाई उद्धृत गर्दै स्थानीय सञ्चारमाध्यमले पुष्टि गरेका छन् ।

तर, जाँचसँग जोडिएका विषयमा भने विस्तृत जानकारी पछि दिने बताइएको बीबीसीले उल्लेख गरेको छ ।

युक्रेनका राष्ट्रपति जेलेन्स्कीले आफ्नो शीर्ष अधिकारीमाथि लगाइएको १० करोड डलर भ्रष्टाचारको आरोपको सामना गरिरहेका छन् ।

तर, जेलेन्स्की र उनका प्रमुख सल्लाहाकार यरमकमाथि यो अभियोग छैन ।

यरमकले रूसविरुद्धको युद्धमा महत्त्वपूर्ण भूमिका निभाएका छन् । अमेरिकासँगको शान्ति वार्तामा समेत यरमक युक्रेनका तर्फबाट प्रमुख वार्ताकार हुन् ।

यद्यपि भ्रष्टाचारसँग जोडिएको जाँचका बीच आलोचकहरूले यरमकको राजीनामा मागिरहेका छन् । उनको पद खतरामा रहेको बताइएको छ ।