रहेनन् अनुभवी बैंकर मानन्धर

News Summary

Generated by OK AI. Editorially reviewed.

प्राइम कमर्सियल बैंकका संस्थापक प्रमुख कार्यकारी अधिकृत नारायणदास मानन्धरको ८२ वर्षको उमेरमा निधन भएको छ।
मानन्धरले २१ औं वाणिज्य बैंक प्राइमलाई स्थापना गरी छोटो समयमा नयाँ उचाइमा पुर्‍याएका थिए।
उनले बैंकिङ क्षेत्रमा ५ दशक काम गर्दै कृषि विकास बैंक, राष्ट्रिय वाणिज्य बैंक र अन्यमा उच्च व्यवस्थापनमा रहेर योगदान दिएका थिए।

२१ मंसिर, काठमाडौं । बैंकिङ क्षेत्रमा साढे ५ दशक समय बिताएका पुराना बैंकर नारायणदास मानन्धरको आइतबार निधन भएको छ । प्राइम कमर्सियल बैंकका संस्थापक प्रमुख कार्यकारी अधिकृत मानन्धरको ८२ वर्षको उमेरमा निधन भएको हो ।

२१ औं वाणिज्य बैंकका रुपमा स्वीकृति पाएको प्राइमलाई स्थापना र छोटो समयमै समकालीन बैंकको तुलनामा नयाँ उचाइमा पुर्‍याएका मानन्धरले केही समय अध्यापन समेत गराएका थिए ।

धानचामल गोदाम व्यवस्थापन कम्पनीको महाप्रबन्धक, कृषि विकास बैंक, राष्ट्रिय वाणिज्य बैंकमा उच्च व्यवस्थापनमा रहेर काम गरेका मानन्धर तत्कालीन नेपाल बंगलादेश बैंक तथा लुम्बिनी बैंकको कार्यकारी प्रमुख समेत भएका थिए ।

व्यापार व्यवसाय प्रबर्द्धनका लागि बैंकिङ स्रोतमा पहुँच पुर्‍याउन महत्त्वपूर्ण भूमिका खेलेका मानन्धरले काष्ठकला तथा मूर्तिकला क्षेत्रलाई समेत महत्त्व दिएका थिए । धितोभन्दा पनि सिपका आधारमा कर्जा दिई कालिगढलाई उद्यमी बनाउन उनको महत्त्वपूर्ण योगदान छ ।