सक्रिय राजनीति गर्न राष्ट्रपतिको विज्ञ सल्लाहकारबाट राजीनामा दिएँ : सुनिल थापा

News Summary

Generated by OK AI. Editorially reviewed.

राष्ट्रपति रामचन्द्र पौडेलका राजनीतिक सल्लाहकार सुनिल थापाले नेपाली कांग्रेसको सक्रिय राजनीति गर्न पदबाट राजीनामा दिएका छन्।
थापाले भने, 'पार्टीको महाधिवेशन आएको छ, चुनावको मिति घोषणा भएको छ, सक्रिय राजनीतिमा गर्न पदबाट राजीनामा दिएको हुँ।'
कांग्रेसले २६ देखि २८ पुससम्म १५ औं महाधिवेशन गर्ने र प्रतिनिधि सभाको चुनाव फागुन २१ गते हुने सरकारले घोषणा गरेको छ।

१ पुस, काठमाडौं। राष्ट्रपति रामचन्द्र पौडेलका राजनीतिक सल्लाहकार सुनिल थापाले पदबाट राजीनामा दिएका छन् ।

नेपाली कांग्रेसको सक्रिय राजनीति गर्न उद्देश्यले राष्ट्रपतिको राजनीतिक सल्लाहकारबाट राजीनामा दिएको थापाले अनलाइनखबरसँग बताए । थापाले भने,‘पार्टीको महाधिवेशन आएको छ । चुनावको मिति घोषणा भएको छ । सक्रिय राजनीतिमा गर्न पदबाट राजीनामा दिएको हुँ ।’

कांग्रेसले यही पुसको २६ देखि २८ गतेसम्म १५ औं महाधिवेशनको मिति तय गरेको छ । सरकारले प्रतिनिधि सभाको मिति फागुन २१ गते हुने गरी मिति घोषणा गरेको छ ।

राष्ट्रिय सभाको निर्वाचनमा ११ माघका लागि तोकिएको छ । थापाको नाम राष्ट्रिय सभा सदस्य उम्मेदवारका लागि धनकुटाबाट सिफारिस गरिएको छ ।

कांग्रेसका पूर्व सहमहामन्त्री समेत रहेको थापालाई राष्ट्रपति पौडेलले २०७९ चैतमा राजनीतिक विज्ञ पदमा नियुक्त गरेका थिए ।

हेर्नुहोस् थापाको राजीनामा पत्र :