नागरिक उड्डयन प्राधिकरण निमित्त महानिर्देशकमा कर्ण

News Summary

Generated by OK AI. Editorially reviewed.

नेपाल नागरिक उड्डयन प्राधिकरणको निमित्त महानिर्देशकमा देवचन्द्रलाल कर्ण नियुक्त भएका छन्।
संस्कृति, पर्यटन तथा नागरिक उड्डयनमन्त्री अनिलकुमार सिन्हाले कर्णलाई निमित्त महानिर्देशकको भूमिका दिएका छन्।
महानिर्देशक प्रदीप अधिकारीमाथि अख्तियारले मुद्दा दायर गरेपछि प्राधिकरण नेतृत्वविहीन थियो।

४ पुस, काठमाडौं । नेपाल नागरिक उड्डयन प्राधिकरणको निमित्त महानिर्देशकमा देवचन्द्रलाल कर्ण नियुक्त भएका छन् ।

संस्कृति, पर्यटन तथा नागरिक उड्डयनमन्त्री अनिलकुमार सिन्हाले प्राधिकरणका उपमहानिर्देशक कर्णलाई निमित्त महानिर्देशकको भूमिका दिएका हुन् ।

यसअघि प्रधानमन्त्री सुशीला कार्कीले मन्त्रालयका सहसचिव मुकेश डंगोललाई महानिर्देशकको समेत भूमिका दिएकी थिइन् । सिन्हाले मन्त्रालय सम्हालेपछि प्राधिकरणकै उपमहानिर्देशकलाई यस्तो जिम्मेवारी दिइएको हो ।

शुक्रबारको मन्त्रीस्तरीय निर्णयले कर्णलाई निमित्त महानिर्देशकको जिम्मेवारी प्रदान गरिएको मन्त्रालयले जनाएको छ । कर्णले आजै आफ्नो कार्यभार सम्हालेका छन् ।

महानिर्देशक प्रदीप अधिकारीलाई अख्तियार दुरुपयोग अनुसन्धान आयोगले मुद्दा दायर गरेसँगै प्राधिकरण नेतृत्वविहीन थियो ।