कांग्रेस छोडेका खगेन्द्र कर्ण रास्वपाको समानूपातिक सूचीमा

News Summary

Generated by OK AI. Editorially reviewed.

नेपाली कांग्रेस परित्याग गरेका खगेन्द्र कर्ण राष्ट्रिय स्वतन्त्र पार्टीको समानुपातिक सूचीमा पुरुषतर्फ दोस्रो स्थानमा परेका छन्।
रास्वपाले निर्वाचन आयोगमा पेश गरेको ११० जनाको सूचीमा कर्णको नाम मधेसी क्लष्टरमा समावेश छ।
कर्णले कांग्रेसमा युवाको मूल्यांकन नहुने भन्दै फरक बाटोमा लाग्ने निर्णय गरेको बताए।

१५ पुस, काठमाडौं । नेपाली कांग्रेस परित्याग गरेका खगेन्द्र कर्ण राष्ट्रिय स्वतन्त्र पार्टी ((रास्वपा)को समानुपातिक सूचीको उम्मेदवार बनेका छन् । रास्वपाले निर्वाचन आयोगमा पेश गरेको ११० जनाको सूचीमा कर्णको नाम मधेसी क्लष्टरमा पुरुषतर्फ दोस्रो स्थानमा छ । काठमाडौंका मेयर बालेन शाह पक्षबाट कर्ण उम्मेदवारमा परेका हुन् ।

पेशाले इञ्जिनियर कर्णले कांग्रेसको भ्रातृ संस्था नेविसंघको ११ औं महाधिवेशनमा उपाध्यक्षको उम्मेदवार भएका थिए । कांग्रेसभित्र युवाको उचित मूल्यांकन नभएको हुँदा उक्त दल त्यागेको कर्णले अनलाइनखबरसँग बताए । उनले भने,‘युवाको मूल्यांकन कांग्रेसमा हुँदैन । पैसावाला बोलवाला हुन्छन् । कांग्रेसमा नबस्ने निर्णय गरेर फरक बाटोमा लागें ।’ कर्ण सप्तरी–१ का हुन् ।