कुलमानले सम्हालेका मन्त्रालयको जिम्मेवारी अन्य मन्त्रीलाई दिइयो

News Summary

Generated by OK AI. Editorially reviewed.

ऊर्जामन्त्री कुलमान घिसिङले बुधबार साँझ पदबाट राजीनामा दिएपछि उनका मन्त्रालयहरूको जिम्मेवारी अन्य मन्त्रीलाई दिइएको छ।
राष्ट्रपति रामचन्द्र पौडेलले मन्त्रिपरिषद्को सिफारिसमा ऊर्जा मन्त्रालयको कार्यभार अनिलकुमार सिन्हालाई दिइएको बताउनुभयो।
भौतिक पूर्वाधार तथा यातायात मन्त्रालयको जिम्मेवारी माधवप्रसाद चौलागाईले र सहरी विकास मन्त्रालयको जिम्मेवारी मार इङ्‍नामले सम्हाल्ने गरी तोकिएको छ।

२४ पुस, काठमाडौं । ऊर्जामन्त्रीसहित रहेका कुलमान घिसिङले सह्मालेको मन्त्रालयहरूको जिम्मेवारी अन्य मन्त्रीलाई दिइएको छ ।

मन्त्रिपरिषद्को सिफारिसमा राष्ट्रपति रामचन्द्र पौडेलले मन्त्रीहरूलाई जिम्मेवारी थपेका हुन् ।

घिसिङले बुधबार साँझ पदबाट राजीनामा दिएर राजनीतिमा होमिएको जानकारी दिएका थिए ।

उनले ऊर्जा, जलस्रोत तथा सिंचाइ, भौतिक पूर्वाधार तथा यातायात, सहरी विकास मन्त्रालयको जिम्मेवारी सम्हालेका थिए ।

उनले राजीनामा दिएसँगै ऊर्जा मन्त्रालयको कार्यभार उद्योग, वाणिज्य तथा आपूर्ति, कानुन, न्याय तथा संसदीय मामिला एवम् संस्कृति पर्यटन तथा नागरिक उड्‍डयनमन्त्री अनिलकुमार सिन्हालाई दिइएको छ ।

त्यस्तै भौतिक पूर्वाधार तथा यातायात मन्त्रालयको कार्यभारसमेत वन तथा वातावरणमन्त्री माधवप्रसाद चौलागाईले र सहरी विकास मन्त्रालयको कार्यभार भूमि व्यवस्था, सहकारी तथा गरिबी निवारण मन्त्री कुमार इङ्‍नामले सम्हाल्ने गरी तोकिएको छ ।