माघे सक्रान्तिदेखि आइएनआईको देवचुलीस्थित नयाँ हल सञ्चालनमा आउँदै

फागुनदेखि भैरहवामा थप २ हल पनि

चलचित्र विकास बोर्डका अनुसार देशभर चालु अवस्थामा रहेका हलको संख्या १६९ छ ।

अनलाइनखबर

२०८२ पुष २९ गते १६:१८

News Summary

Generated by OK AI. Editorially reviewed.

माघे सक्रान्तिदेखदेखि नवलपरासी देवचुलीमा २९२ सिट क्षमताको आइएनआई देवचुली मल्टिप्लेक्स संचालनमा आउँदैछ।
आइएनआईले भैरहवाको भाटभटेनीमा ४०० सिट क्षमता दुई हल फागुन अन्त्यदेखि सञ्चालन गर्ने योजना बनाएको छ।
देशभर चालु अवस्थामा रहेका हलको संख्या १६९ बाट आइएनआई देवचुली हल सञ्चालनसँगै १७० पुग्नेछ।

काठमाडौं । मल्टिप्लेक्स चेन आइएनआईको देशभर पर्दा संख्या ११ पुगेको छ । माघे सक्रान्तिदेखि नवलपरासीको देवचुलीमा २९२ सिट क्षमताको सिंगल थिएटर ‘आइएनआई देवचुली मल्टिप्लेक्स’ संचालनमा आउँदैछ ।

सो हलमा लेजर स्मार्ट प्रोजेक्टर बार्को-११ एस, एआईले पनि रिड गर्न सक्ने ध्वनिको नयाँ संस्करण ‘इमर्सिभ साउन्ड’, पल्ज स्पिकर्स, जीडीसी सर्भर, थ्रीडीको अत्याधुनिक संस्करण गेट-डी थ्रीडी जडान गरिएको छ ।

हलमा पर्दाको आकार ३७ फिट लम्बाई र साढे १५ फिट उचाइ छ । आइएनआई निर्देशक सुरेन्द्र थापाका अनुसार, भैरहवाको भाटभटेनीमा ४०० सिट क्षमता दुई हल पनि फागुन अन्त्यदेखि संचालनमा आउनेछन् ।

यो समाचार लेख्दासम्म चलचित्र विकास बोर्डका अनुसार देशभर चालु अवस्थामा रहेका हलको संख्या १६९ छ । आइएनआईको देवचुली हल चलेसँगै देशभरका हलको संख्या १७० पुग्नेछ ।