सानेपाबाट दीपक खड्काले भने– पार्टी छाडेपछि निष्कासन हुन्छ

News Summary

Generated by OK AI. Editorially reviewed.

नेपाली कांग्रेसका नेता दीपक खड्काले पार्टी छाडेपछि सामान्यतया निष्कासन प्रक्रिया अघि बढ्ने बताएका छन्।
कांग्रेसको विशेष महाधिवेशन भृकुटीमण्डपमा चलिरहेको छ र सानेपामा केन्द्रीय कार्यसमितिको बैठक बोलाइएको छ।
खड्काले विभिन्न जिल्लाका सभापतिहरूले दबाबमूलक कार्यक्रमहरू बढाइरहेको र वार्ताहरूका कारण बैठक सुरु हुन नसकेको बताए।

२९ पुस, काठमाडौं । नेपाली कांग्रेसका नेता दीपक खड्काले पार्टी छाडेपछि सामान्यतया: निष्कासन लगायत कारबाहीका प्रक्रिया अघि बढ्ने बताएका छन् ।

केन्द्रीय कार्यसमिति बैठकमा सहभागी हुन पार्टी कार्यालय सानेपा पुगेका उनले सञ्चारकर्मीसँग कुराकानी गर्ने क्रममा यस्तो बताएका हुन् ।

कांग्रेसको विशेष महाधिवेशन भृकुटीमण्डपमा चलिरहेको छ । उता, सानेपामा भने केन्द्रीय कार्यसमितिको बैठक बोलाइएको छ ।

दिउँसो १ बजेका लागि बोलाइएको बैठक अझै सुरु हुन सकेको छैन ।

यसैबीच खड्काले भनेका छन्, ‘अरु विषय परिघटनाले तय गर्ने कुरा हो । आफ्नो प्रक्रिया हुन्छ, विधान छ त्यस अनुसार हुन्छ । पार्टी छाडेपछि सामान्यतया: निष्कासन हुन्छ ।’

उनले विभिन्न जिल्लाका सभापतिहरू एक ठाउँमा रहेर दबाबमूलक कार्यक्रमहरू बढाइरहेको पनि बताए ।

‘उता नोमिनेशन सुरु भएको छ । यता केन्द्रीय समितिको बैठक राखिएको छ । यही बीचमा छलफल पनि चलेका छन् । सबै जिल्लाका सभापतिहरू एक ठाउँमा बसेर दबाबमूलक कुराहरू भइरहेका छन् । एकाध घण्टा हेरौं,’ उनले भने ।

केही वार्ताहरू चलिरहेको भएर केन्द्रीय कार्यसमिति बैठक सुरु हुन नसकेको उनको भनाइ छ ।