खुकुरी प्रहार गरी हत्या गरेको आरोपमा युवक पक्राउ

News Summary

Generated by OK AI. Editorially reviewed.

धरान उपमहानगरपालिका–११ मा ३३ वर्षीय रविन राईले आफ्नै मामाको छोरा ३५ वर्षीय रुपक राईलाई खुकुरी प्रहार गरी हत्या गरेको आरोपमा पक्राउ परेका छन्।
घटना मंगलबार विहान भएको थियो र रविनलाई करिब १२ घण्टा पछि बीपी कोइराला स्वास्थ्य विज्ञान प्रतिष्ठान परिसरबाट नियन्त्रणमा लिइएको थियो।
मृतक र आरोपीबीच पहिले पनि झगडा हुँदै आएको र हत्या कारण खुल्न नसकेको प्रहरीले जनाएको छ।

३० पुस, सुनसरी । आफ्नै मामाको छोरालाई खुकुरी प्रहार गरी हत्या गरेको आशंकामा प्रहरीले एक युवकलाई पक्राउ गरेको छ ।

धरान उपमहानगरपालिका–११ पूण्यमार्ग बस्ने ३५ वर्षीय रुपक राईलाई खुकुरी प्रहारी गरी हत्या गरेको आरोपमा ३३ वर्षीय रविन राई पक्राउ परेका हुन् ।

धरानस्थित इलालका प्रहरी कार्यालयका प्रहरी नायव उपरीक्षक (डिएसपी) भिषणबाबु राईका अनुसार घटना मंगलबार विहान भएको थियो । रविनलाई भने घटना भएको करिब १२ घण्टा पछि बीपी कोइराला स्वास्थ्य विज्ञान प्रतिष्ठान परिसरबाट नियन्त्रणमा लिइएको थियो ।

मृतक रुपककै घरमा रविन पनि बस्दै आएका थिए । के कारणले विवाद भएको र खुकुरी प्रहार गरि हत्या गरिएको हो त्यो भने खुल्न सकेको छैन । उनीहरूबीच यसअघि पनि पटक पटक झगडा हुँदै आएको प्रहरीले जनाएको छ । रविनको शवको पोस्टमार्टमका लागि वीपी प्रतिष्ठानको मर्चरी हाउसमा पुर्‍याइएको छ ।