आधिकारिकता दाबी गर्न गगन थापा नेतृत्वको पदाधिकारी आयोग जाँदै

News Summary

Generated by OK AI. Editorially reviewed.

नेपाली कांग्रेसको विशेष महाधिवेशनबाट निर्वाचित सभापति गगन थापासहितको टोली आज निर्वाचन आयोग जान लागेको छ।
बिहीबार सभापति थापा र उपसभापतिद्वय विश्वप्रकाश शर्मा निर्वाचन आयोगमा पार्टीको नयाँ कार्यसमिति विवरण अद्यावधिक गर्न पत्र बुझाएका थिए।
शेरबहादुर देउवा नेतृत्वको कांग्रेसका नेताहरूले पनि बिहीबार निर्वाचन आयोगमा आधिकारिकता आफूहरूकै रहेको दाबी गरेका थिए।

२ माघ, काठमाडौं । नेपाली कांग्रेसको विशेष महाधिवेशनबाट निर्वाचित सभापति गगन थापासहितको टोली आज पनि निर्वाचन आयोग जाने भएको छ ।

यसअघि बिहीबार पनि सभापति थापा, उपसभापतिद्वय विश्वप्रकाश शर्मा, पुष्पा भुसालसहित नेताहरू निर्वाचन आयोग पुगेका थिए । उनीहरूले पार्टीको विशेष महाधिवेशन सम्पन्न भएको र विशेष महाधिवेशनबाट गगन थापा नेतृत्वको नयाँ कार्यसमिति चयन भएर आएको विवरण अध्यावधिक गर्न आयोगसमक्ष अनुरोधसहित पत्र बुझाएका थिए ।

आजमात्रै शेरबहादुर देउवा नेतृत्वको कांग्रेसका नेताहरू पूर्णबहादुर खड्का, शशांक कोइराला, शेखर कोइरालालगायत निर्वाचन आयोग पुगेका थिए । उनीहरूले बिहीबार गगन-विश्वसहितले जस्तै कांग्रेसको आधिकारिकता आफूहरू नै रहेको दाबी गरेका थिए ।

केन्द्रीय सदस्य प्रतिमा गौतमका अनुसार आधिकारिकताको दाबीका लागि थापा नेतृत्वको पदाधिकारी नै आयोग जान लागेको हो । २ बजे थापा नेतृत्वको समितिका पदाधिकारी निर्वाचन आयोग जान लागेका हुन् ।