नेकपाबाट माधव नेपाल पक्षका ३० नेताले पाए टिकट

५ माघ, काठमाडौं । नेपाली कम्युनिस्ट पार्टीले केही क्षेत्र बाहेक प्रतिनिधि सभाको प्रत्यक्ष तर्फको उम्मेदवार टुंगो लगाएको छ ।

संयोजक पुष्पकमल दाहाल प्रचण्ड पूर्वी रुकुम र सहसंयोजक माधवकुमार नेपाल रौतहट–१ बाट उम्मेदवार बन्नेगरी उम्मेदवारहरूको नामावली सार्वजनिक भएको छ । सार्वजनिक सूची अनुसार नेकपा बन्नुअघिको एकीकृत समाजवादीबाट ३० जनाले टिकट पाएका छन् ।

पूर्वप्रधानमन्त्री झलनाथ खनालको क्षेत्र इलाम–२ मा उनी निकट रणबहादुर राईले टिकट पाएका छन् । राई सूर्योदय नगरपालिकाका मेयर हुन् ।

टिकट पाउनेमा माधव नेपालका स्वकीय सचिव रहेका रामकुमार भट्टराई र नितेश पौडेल समेत छन् । भट्टराई रौतहट–४ र पौडेल कामाडौं–२ बाट उम्मेदवार बनेका छन् ।

एकीकृत समाजवादी भएर एकता प्रक्रियामा नगए पनि एमाले पृष्ठभूमिका अरु केही नेताले पनि टिकट पाएका छन् । दैलेख–२ मा योगेन्द्र शाही, बाजुरामा प्रकाश शाह र अछाम–१ मा टिकट पाएका भीम रावल एमाले पृष्ठभूमिका नेता हुन् । यद्यपि उनीहरू अलग–अलग समय र तरिकाले नेकपामा समाहित भएका थिए ।

टिकट पाउने तत्कालीन एसका नेताहरू:

इलाम–१ मा रणबहादुर राई

झापा–१ मा अशेष घिमिरे

संखुवासभमा सरिता खड्का थापा

धनकुटामा धर्म पौडेल केन्द्रीय सदस्य

मोरङ–२ मा चन्द्रबीर राई

मोरङ– ३ मा डा. देवमान सम्बाहाम्फे

सुनसरी–४ मा महहम महफुज अन्सार

उदयपुर–१ मा बलदेव चौधरी

सिराहामा रामचन्द्र यादव

धनुषा– मा २ रामचन्द्र झा

रौतहट–१ मा माधवकुमार नेपाल