सामाजिक सञ्जालका पोस्ट भएका ९८ सामग्री हटाउँदै निर्वाचन आयोग

News Summary

Generated by OK AI. Editorially reviewed.

निर्वाचन आयोगले सामाजिक सञ्जालमा पोष्ट भएका ९८ वटा कन्टेन हटाउन सम्बन्धित कम्पनीलाई पत्राचार गरेको छ।
निर्वाचन आयोगका सहसचिव नारायणप्रसाद भट्टराईले मिस इन्रफरमेसन र डिस इन्फरमेसन भएकाले कारबाहीका लागि पत्रमचार गरिएको बताए।
निर्वाचन आयोगले फ्याक्ट चेकका लागि एउटा निजी कम्पनीसँग साझेदारी गरी आचारसंहिता कार्यान्वयनका लागि कार्यदल बनाएर काम गरिरहेको छ।

९ माघ, काठमाडौं । निर्वाचन आयोगले सामाजिक सञ्जालमा पोष्ट भएका विभिन्न ९८ वटा सामग्री हटाउन सम्बन्धित कम्पनीलाई पत्राचार गरेको छ ।

निर्वाचन आयोगका सहसचिव एवं प्रवक्ता नारायणप्रसाद भट्टराईका अनुसार मिस इन्रफरमेसन र डिस इन्फरमेसन भएकाले ति कन्टेन हटाउनका लागि पत्रमचार गरिएको हो ।

‘९८ वटा कन्टेट कारबाहीका लागि लेखेर पठाएका छौं । तत निकायबाट हामी यो गर्छौं भन्ने प्रतिवद्धता प्राप्त भएको छ’ शुक्रबार आयोजित पत्रकार सम्मेलनमा उनले भने ।

तर, के कस्ता कन्टेट हटाउन भनिएको हो उनले खुलाएनन् ।

तथापि, पाठकलाई गलत सूचना नपुगोस् भनेर आयोग गलत सूचना रोक्न सक्रिय रहेको उनले बताए । फ्याक्ट चेकका लागि एउटा निजी कम्पनीसँग समेत साझेदारी गरिएको उनले जानकारी दिए ।

निर्वाचन आयोगमा आचारसंहिता कार्यान्वयनका लागि कार्यदल नै बनाएर काम गरिरहेको छ । सामाजिक सञ्जालको प्रयोगको विषय समेत आचारसंहिताभित्र पर्दछ । आचारसंहिता उल्लघंन हुने गरी सामाजिक सञ्जालको प्रयोग गर्न नहुने लगायतका विषय रहेका छन् ।