दीपक खरेल ‘इकोज अफ इटरनिटी’ एकल साँझमा गुञ्जिने

News Summary

Generated by OK AI. Editorially reviewed.

गायक दीपक खरेलले २७ चैतमा प्रज्ञा प्रतिष्ठानमा अर्केस्ट्रासहितको एकल साँझ ‘इकोज अफ इटरनिटी’ आयोजना गर्नेछन्।
कार्यक्रममा नर्वेबाट आएका ४ कलाकारसहित ५२ वाद्यवादक र १६ नेपाली कलाकारको कोरस प्रस्तुति हुनेछ।
खरेलले १७ गीत प्रस्तुत गर्नेछन् र टिकट खल्ती एपमा उपलब्ध हुने उल्लेख गरेका छन्।

काठमाडौं । गायक दीपक खरेल २७ चैतमा प्रज्ञा प्रतिष्ठानमा गुञ्जिने भएका छन् । उक्त दिन अर्केस्ट्रासहितको एकल साँझ ‘इकोज अफ इटरनिटी’ आयोजना हुने भएको छ ।

सो अवसरमा खरेलले आफ्ना चर्चित गीतहरू ‘पूर्णिमाको रात पनि’, तिम्रो त्यो हँसिलो मुहारको’, यो कर्मभूमीको आँगनमा’, ‘प्रतिक्षा गर मेरी मायालु’, ‘बादल बनाइदेऊ’, ‘गरुँ कि मीठो भूल’ र ’बिहानीको सिरेटोमा’ सहित १७ गीत प्रस्तुत गर्ने जनाइएको छ ।

कार्यक्रममा युरोपेली मुलुक नर्वेबाट आएका ४ जना कलाकारसहित ५२ जना वाद्यवादक र १६ जना नेपाली कलाकारको कोरस प्रस्तुति हुनेछ । कार्यक्रम आयोजना सुधाकर भ्वाइलिन स्कुलले गर्न लागेको हो ।

बालबालिकादेखि बयोवृद्ध दर्शकको सहभागिता हुने बताइएको कार्यक्रमले तीन पुस्तालाई जोड्ने कार्य गर्ने अपेक्षा छ । गायक खरेलले नेपाली सुगम संगीतप्रेमीलाई अविस्मरणीय अनुभव दिनका लागि आफू तयारी गरिरहेको बताए ।

खरेलले २०३४ सालमा ‘मैले रचेको गीत’ बाट औपचारिक गायन यात्रा थालेका थिए । कार्यक्रमको टिकट खल्ती एपमा उपलब्ध हुने उल्लेख छ ।