क्वान्टम फिजिक्सको अपूर्व खोज : हिलियमका परमाणुहरू इनट्यान्गल्ड अवस्थामा भेटियो

News Summary

Generated by OK AI. Editorially reviewed.

अस्ट्रेलियन नेसनल युनिभर्सिटीका वैज्ञानिकहरूले इतिहासमै पहिलो पटक हीलियमका परमाणुहरू एकै समयमा दुई फरक स्थानमा अस्तित्वमा रहेको फेला पारेका छन्।
यो खोजले करिब एक शताब्दी पुरानो क्वान्टम भविष्यवाणीलाई प्रमाणित गरेको छ र 'नेचर कम्युनिकेसन' जर्नलमा प्रकाशित भएको छ।
यो सफलताले क्वान्टम मेकानिक्स र गुरुत्वाकर्षणबीचको सम्बन्ध बुझ्न मद्दत गर्ने र 'थ्योरी अफ एभ्रिथिङ' पत्ता लगाउन बलियो आधार खडा गर्ने विश्वास गरिएको छ।

१७ चैत, काठमाडौं ।अस्ट्रेलियन नेसनल युनिभर्सिटी (एएनयू) का क्वान्टम भौतिकशास्त्रीहरूले ब्रह्माण्डको एउटा निकै अनौठो र जटिल नियमलाई प्रत्यक्ष अवलोकन गरेर विज्ञान जगतमा हलचल पैदा गरेका छन्।

उनीहरूले इतिहासमै पहिलो पटक ‘हिलियम’ का परमाणुहरू एकै समयमा दुई फरक स्थानमा अस्तित्वमा रहेको (इनट्यान्गल्ड इन मोसन ) फेला पारेका हुन्।

‘नेचर कम्युनिकेसन’ जर्नलमा प्रकाशित यस अनुसन्धानका प्रमुख लेखक योगेश श्रीधर र डा. सिन हजम्यानका अनुसार, यो सफलताले करिब एक शताब्दी पुरानो क्वान्टम भविष्यवाणीलाई प्रमाणित गरेको छ।

यसअघि यस्तो प्रयोग ‘फोटोन’ (प्रकाशका कण) मा मात्र सफल भएको थियो, तर हीलियम परमाणुहरूमा पिण्ड हुने र यिनीहरूमा गुरुत्वाकर्षणले असर गर्ने हुनाले यो खोज निकै महत्त्वपूर्ण मानिएको छ।

‘एउटा कण एकैसाथ दुई ठाउँमा हुन सक्छ र यसले आफैँसँग ‘इन्टरफेयर’ गर्न सक्छ भन्ने कुरा पाठ्यपुस्तकमा पढ्न त पाइन्थ्यो, तर यसलाई प्रत्यक्ष देख्नु वास्तवमै अद्भुत छ,’ डा. हजम्यानले भने।

यो खोजले सानो स्तरको ‘क्वान्टम मेकानिक्स’ र ठूलो स्तरको ‘गुरुत्वाकर्षण’ बीचको सम्बन्ध बुझ्न मद्दत गर्ने र विज्ञानको बहुप्रतिक्षित ‘थ्योरी अफ एभ्रिथिङ’ पत्ता लगाउन एउटा बलियो आधार खडा गर्ने विश्वास गरिएको छ।