संसद्‌को अघिल्लो ‘रो’ खाली, मनिष झाले भने- यो चिया पसल होइन मन लागे आउने नत्र नआउने

News Summary

Generated by OK AI. Editorially reviewed.

प्रतिनिधिसभाको सोमबारको बैठकमा शीर्ष नेताहरू अनुपस्थित भएका छन् र सिट व्यवस्थापन गरिएको छ।
रास्वपाकै सांसद मनिष झाले सदनलाई चिया पसल होइन, विश्वविद्यालय जस्तो हुनुपर्ने आग्रह गर्नुभयो।
नवनिर्वाचित सभामुख डोलप्रसाद अर्यालले कुशल अविभावकको रुपमा काम गर्ने विश्वास व्यक्त गर्नुभएको छ।

२३ चैत, काठमाडौं । प्रतिनिधिसभाको सोमबारको बैठकमा शीर्ष नेताहरू अनुपस्थित भएका छन् । अगाडिको रो मा शीर्ष नेताहरूको सिट व्यवस्थापन गरिएको छ ।

यसप्रति रास्वपाकै सांसदले समेत प्रश्न उठाएका छन् ।

रास्वपाका सांसद मनिष झाले भने, ‘सदन चिया पसल वा चौतारी होइन । जहाँ मन लागे आउँछु, मन लागे बोल्छु । मन लागे बस्छु नमन लागे जान्छु भन्ने होइन ।’

सदन गुरुकुल जस्तो, विश्वविद्यालय जस्तो हुनुपर्ने उनको आग्रह छ ।

‘यहाँ म होमवर्क गरेर आउँछु, एउटा प्रश्न लिएर आउँछु । प्रस्ताव लिएर आउँछु र प्रस्तुतीको तयारी गरेर आउँछु । जहाँ जनताको प्रश्नले अस्तित्व पाउँछ ।’

चुनाव अगाडि साउथ एसियाको बेस्ट पार्लामेन्ट परिकल्पना गरिएको स्मरण गर्दै उनले त्यस्तो कल्पना साकार भएको भन्दै उनले भने, ‘अब संस्कार र सिद्धान्तको कुरा आएको छ ।’

अब सदनमा सिद्धान्तको बहस हुने र सबैको उत्तिकै मेहनत आवश्यक रहेको उनले बताए ।

२०१५ साल देखि नेपालमा संसदीय अभ्यास हुँदै आएको र प्रतिपक्षलाई बलियो बनाउन त्यसबेलाका नेतृत्वले समेत काम गरेको उनले स्मरण गरे ।

नवनिर्वाचित सभामुख डोलप्रसाद अर्यालले कुशल अविभावकको रुपमा काम गर्ने विश्वास रहेको पनि उनले बताए ।