निकुञ्ज पसेर गैँडा मार्ने पूर्व तयारी गरेको आरोपमा हतियारसहित दुई जना पक्राउ

News Summary

Generated by OK AI. Editorially reviewed.

चितवन राष्ट्रिय निकुञ्जमा गैँडा मार्ने पूर्व तयारी गरेको आरोपमा पूर्वी नवलपरासीको कावासोतीबाट २ जना पक्राउ परेका छन् ।
पक्राउ परेकाहरूको साथबाट २ थान भरुवा बन्दुक र १ थान कार्लोस बरामद गरिएको छ ।
स्थानीय सूचनाका आधारमा उनीहरूलाई निकुञ्ज प्रवेश गर्न लाग्दा जेठ २३ गते राति नियन्त्रणमा लिइएको हो ।

२५ जेठ, चितवन । चितवन राष्ट्रिय निकुञ्जमा प्रवेश गरेर गैँडा मार्ने पूर्व तयारी गरेको आरोपमा अनुसन्धान टोलीले पूर्वी नवलपरासीको कावासोती क्षेत्रबाट २ जनालाई पक्राउ गरेको छ ।

स्रोतका अनुसार उनीहरुलाई घरबाट नै हतियारसहित जेठ २३ गते राति पक्राउ गरेर थप अनुसन्धान गरिएको हो । उनीहरुको साथबाट २ जना भरुवा बन्दुक र एक थान कार्लोससहित अन्य सामाग्रीहरु बरामद गरिएको स्रोतको भनाइ छ ।

निकुञ्जका सूचना अधिकारी अविनाश थापामगरले पक्राउ परेकाहरुको अनुसन्धान जारी रहेकोले थप विवरण जानकारी नभएको बताए ।

उनीहरु लामिचौर भुताहा क्षेत्रबाट तस्करहरुको योजनामा गैँडा मार्ने तयारीमा निकुञ्ज प्रवेश गर्न लागेको भन्ने स्थानीय सूचनाका आधारमा पक्राउ गरिएको हो ।

पक्राउ गरिएकाहरुलाई निकुञ्ज हिरासतमा राखेर अनुसन्धान भैरहेको छ । निकुञ्जले गैँडाको चोरी शिकारी शून्य अभियान चलाइरहेका बेला गैँडा मार्ने योजना बनाएको आरोपमा उनीहरु पक्राउ परेका हुन् ।