News Summary
Generated by OK AI. Editorially reviewed.- रास्वपा सांसद आशिका तामाङले खोलाबाट गिट्टी र बालुवाको अवैध तस्करी भइरहेको भन्दै सरकारको गम्भीर ध्यानाकर्षण गराएकी छिन् ।
- सांसद तामाङले बर्खायाममा नदीजन्य पदार्थ उत्खननमा रोक लगाइए पनि अवैध कारोबार नरोकिएको र राज्यले करोडौँ राजस्व गुमाइरहेको जिकिर गरिन् ।
- उनले अवैध उत्खनन रोक्न र वैज्ञानिक व्यवस्थापनका लागि तत्काल विद्यमान कानुन र मापदण्ड संशोधन गर्न सरकारसँग माग गरेकी छिन् ।
२५ साउन, काठमाडौं । रास्वपा सांसद आशिका तामाङले खोलाबाट गिट्टी, बालुवा राज्यलाई कर नतिरी तस्करी भइरहेको भन्दै सरकारको ध्यानाकर्षण गराएकी छिन् ।
सोमबार प्रतिनिधिसभा बैठकमा आकस्मिक समय लिएर बोल्ने क्रममा उनले यसबारे सरकारको ध्यानाकर्षण गराएकी हुन् ।
उनले अहिलेको मापदण्ड अनुसार तत्काल कानुन संशोधन गर्न पनि सरकारको ध्यानाकर्षण गराइन् ।
‘बर्खे महिनाहरूमा कानुन र नियम अनुसार खोलाबाट गिटी र बालुवा निकाल्न निषेधित छ । तर तस्करहरूले एकै रातमा लाखौं, करोडौंको बालुवा राज्यलाई एक रुपैयाँ कर नतिरी तस्करी गर्छन्,’ सांसद तामाङले भनिन्, ‘यो समस्या मेरो जिल्ला धादिङ लगायत नेपालको अधिकांश नदीमा जटिल समस्याको रुपमा खडा छ । त्यो भन्दा जटिल हाम्रो कानुन र प्रक्रियामा छ ।’
उनले आफ्नो मनसाय ढुंगा, गिट्टी र बालुवा निकाल्नै नहुने भन्ने कुरामा नभएको बताइन् ।
‘मेरो मनसाय ढुंगा गिटी र बालुवा निकाल्न हुँदैन भन्नेमा पटक्कै होइन । तर यसको सही व्यवस्थापनमा कानुन बाधक बनिन हुँदैन भन्ने चाहिँ हो,’ उनले भनिन्, ‘मापदण्ड अहिलेको व्यवस्था अनुसार चल्नका लागि आवश्यक संशोधन गर्न नेपाल सरकारको गम्भीर ध्यानाकर्षण गर्न चाहन्छु ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4