बञ्चरेडाँडाको फोहोर व्यवस्थापन छलफल : मेयरहरूसँग आशिकाको चर्काचर्की (भिडियो)

News Summary

Generated by OK AI. Editorially reviewed.

सिंहदरबारमा बञ्चरेडाँडा फोहोर व्यवस्थापनबारे छलफलका क्रममा सांसद आशिका तामाङ र स्थानीय तहका मेयरहरूबीच चर्काचर्की भएको छ।
ललितपुर महानगरपालिकाका मेयर चिरिबाबु महर्जनले सांसद तामाङलाई सम्झाउन खोज्दा उनले ‘आउनु पर्‍यो नि ।’ भन्दै प्रतिवाद गरेकी थिइन्।
सांसद तामाङले स्थानीय सरकार आँखा चिम्लिएको आरोप लगाउँदै भोलिदेखि बञ्चरेडाँडामा फोहोर लैजान नदिने चेतावनी दिएर बैठक छाडेकी थिइन्।

५ भदौ, काठमाडौं । बञ्चरेडाँडा फोहोर व्यवस्थापनको विषयमा छलफल गर्न आयोजित कार्यक्रममा सांसद आशिका तामाङसँग स्थानीय तहका प्रमुख (मेयर) हरूको चर्काचर्की भएको छ ।

सिंहदरबारमा सञ्चारमन्त्री विक्रम तिमल्सिनाले काठमाडौं उपत्यका सहित प्रभावित क्षेत्रका स्थानीय जनप्रतिनिधिबीच छलफल आयोजना गरेका थिए ।

उक्त छलफलमा रास्वपा सांसद तामाङ पनि सहभागी थिइन् । सो क्रममा जनप्रतिनिधिसँग सांसद तामाङको भनाभन भएको हो ।

चर्काचर्कीपछि ललितपुर महानगरपालिकाका मेयर चिरिबाबु महर्जनसहितले उनलाई सम्झाउन खोजेका थिए । यद्यपि सांसद तामाङ भने थप आक्रोशित बनिन् ।

‘त्यतिकै बेस्सरी कराएर हुन्छ ? मेयरसाबलाई कराएर हुन्छ ?,’ मेयर महर्जनले सांसद तामाङलाई प्रश्न गरेका थिए ।

सो प्रश्नको जवाफमा प्रतित्यूर दिँदै सांसद तामाङले भनिन्, ‘आउनु पर्‍यो नि ।’ पुन: मेयर महर्जनले जवाफ फर्काउँदै भने, ‘आउँदै हुनुहुन्छ त ।’

लगत्ततै ‘बञ्चरेडाँडका मान्छे होइन ?,’ तामाङले प्रश्न गरिन् ।

अहिलेसम्म स्थानीय सरकार आँखा चिम्लिएको आरोप उनले लगाएकी थिइन् । भोलिदेखि बञ्चरेडाँडामा फोहोर लैजान नदिने चेतावनी दिँदै सांसद तामाङले बैठक नै छाडेर हिंडिन् ।