हराएका मान्छे खोज्न ‘सेतु र्‍यापिड एप’, कतिले भरे फारम ?

News Summary

Generated by OK AI. Editorially reviewed.

रसुवाको बाढीपछि सम्पर्कबिहिन व्यक्तिको खोजीका लागि राष्ट्रिय विपद् जोखिम न्यूनीकरण तथा व्यवस्थापन प्राधिकरणले ‘सेतु र्‍यापिड एप’ सञ्चालनमा ल्याएको छ।
प्राधिकरणका अनुसार आफन्तले एपमा विवरण भर्दा अहिलेसम्म करिब १५ सय फारम परेका छन्, जसमा डुप्लिकेशन हुन सक्ने भएकाले भेरिफाइ भइरहेको छ।
प्राधिकरणले हालसम्म ९७७ व्यक्ति हराएको यकिन भएको र बाँकी विवरण साँझसम्म आउने जनाएको छ।

१२ भदौ, काठमाडौं । रसुवा बाढीपछि सम्पर्कबिहिन भएका मानिसहरु खोजी गर्न ‘सेतु र्‍यापिड एप’ सञ्चालनमा ल्याइएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले यो एप सञ्चालनमा ल्याएको हो । यसमा अन्य निकायका प्राविधिक टिम समेत बसेर काम भइरहेको प्राधिकरणका उपसचिव रामबहादुर केसी बताउँछन् ।

उनका अनुसार हराएका व्यक्तिका आफन्तहरुले यो एपमा विवरण भर्न सक्नेछन् । अहिलेसम्म करिब १५ सय व्यक्तिले फारम भरेका छन् । यसरी भरिएका फारमहरुमा डुप्लिकेशन हुनसक्ने, एउटै मान्छे खोजिगरीदिन भन्दै पटक–पटक भारम भरेको हुनसक्ने, फारम भरिसकेको व्यक्तिको उद्दार भइसकेको वा शव भेटिएको हुनसक्ने भएकाले डुप्लिकेशन हुनसक्ने उपसचिव केसी बताउँछन् ।

यसरी आएको फारमलाई ‘रअ’ डाटाका रुपमा लिएर त्यसलाई भेरिफाई गरेपछि मात्रै यकिन कति मान्छे हराएको भनेर विवरण आएको पुष्टि हुने उनले बताए । उनका अनुसार ९७७ व्यक्ति हराएको भनेर यकिन भएको छ ।

बाँकीको हकमा भने भेरिफाइको काम हुँदैछ । आजको डाटाका भने साँझसम्म आउने उनले बताए ।