News Summary
Generated by OK AI. Editorially reviewed.- परराष्ट्र मन्त्रालयले विपद् व्यवस्थापनका लागि खोज, टनेल उद्धार र डीएनए पहिचानमा मित्रराष्ट्रबाट प्राविधिक सहयोग जारी रहेको बताएको छ।
- भारतको २४ सदस्यीय टनेल उद्धार टोली चिलिमे र लाङटाङ जलविद्युत् आयोजना क्षेत्रमा, चीनको ९ सदस्यीय टोली माथिल्लो त्रिशूली ३ ’ए’ क्षेत्रमा खटिएका छन्।
- तत्काल पहिचान हुन नसकेका शवको डीएनए नमुना सुरक्षित राखी अन्तर्राष्ट्रिय मापदण्डअनुसार अस्थायी रूपमा गाडिएको मन्त्रालयले जनाएको छ।
१६ भदौ, काठमाडौं । परराष्ट्र मन्त्रालयले विपद् व्यवस्थापनमा विभिन्न मित्रराष्ट्रबाट अन्तर्राष्ट्रिय प्राविधिक सहयोग प्राप्त हुनक्रम जारी रहेको बताएको छ।
परराष्ट्र मन्त्रालयमा आयोजित नियमित प्रेस ब्रिफिङमा मन्त्रालयका प्रवक्ता लोकबहादुर पौडेल क्षेत्रीले खोज तथा टनेल उद्धारका साथै डीएनए पहिचानका क्षेत्रमा अन्तर्राष्ट्रिय प्राविधिक सहयोग प्राप्त हुनेक्रममा रहेको जाकारी दिए।
उनका अनुसार भारतका २४ सदस्यीय टनेल उद्धार टोली नेपाली सेनासँग समन्वय गरी चिलिमे र लाङटाङ जलविद्युत् आयोजना क्षेत्रमा खटिएको छ भने चीनबाट आएका ९ सदस्यीय टनेल उद्धार टोली नेपाली सेनासँग समन्वय गरी माथिल्लो त्रिशूली ३ ’ए’ आयोजना क्षेत्रमा परिचालन भएका छन् । त्यस्तै कोरियाबाट पनि उद्धार टोली नेपाल आइपुगेको प्रवक्त पौडेलले जानकारी दिए।
उनले भारतबाट १९ सदस्यीय डीएनए विश्लेषण विज्ञ टोली २९ अगस्टदेखि कार्यक्षेत्रमा रहेको र चीनबाट ४ सदस्यीय फोरेन्सिक टोलीका साथै सिंगापुरबाट विपद् पीडित पहिचान टोली ल्याउन समन्वय भइरहेको बताए।
तत्काल पहिचान हुन नसकेका शवहरूको डीएनए नमुना सुरक्षित राखी अन्तर्राष्ट्रिय मापदण्डअनुसार अस्थायी रूपमा गाडिएको मन्त्रालयले जनाएको छ।
प्रवक्ता पौडेलले क्षति मूल्याङ्कन गरी ’विपद्पछिको आवश्यकता मूल्याङ्कन’ तयार गरिने र सोही आधारमा दीर्घकालीन अन्तर्राष्ट्रिय सहयोग आह्वान गरिने जानकारी दिए।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4