२०८३ भदौ २८ गते २२:२२ 
News Summary
Generated by OK AI. Editorially reviewed.- लामिन यमालको दुई गोल मद्दतमा बार्सिलोनाले स्पेनिस ला लिगामा लेभान्टेलाई ४–२ ले हराउँदै लगातार पाँचौं जित निकालेको छ।
- भ्यालेन्सियामा भएको खेलमा बार्सिलोनाका लागि जाभी एस्पार्ट, यमाल र करिम अदेयेमीले गोल गरे भने राफिन्हाले दुई असिस्ट गरे।
- पाँच खेलबाट १५ अंक जोडेको बार्सिलोना शीर्षस्थानमा छ र दोस्रो स्थानको रियल मड्रिडभन्दा तीन अंकले अगाडि छ।
२८ भदौ, काठमाडौं । लामिन यमालको दुई गोल मद्दतमा बार्सिलोनाले स्पेनिस ला लिगामा लेभान्टेलाई ४–२ ले पराजित गर्दै लगातार पाँचौं जित निकालेको छ ।
भ्यालेन्सियामा भएको खेलमा बार्सिलोनाले पाँचौं मिनेटमै जाभी एस्पार्टको गोलबाट अग्रता लिएको थियो । त्यसपछि यमालले १९औं मिनेटमा अर्को गोल थपेपछि पहिलो हाफ २–० ले बार्सिलोनाको पक्षमा सकिएको थियो ।
दोस्रो हाफको ४८औं मिनेटमा यमालले पेनाल्टीमार्फत व्यक्तिगत दोस्रो तथा टोलीका लागि तेस्रो गोल गरे । खेलको अन्त्यतिर लेभान्टेले इभान रोमेरो र रोजर ब्रुगेको गोलमार्फत पुनरागमनको प्रयास गरे पनि इन्ज्युरी समयमा करिम अदेयेमीले गोल गर्दै बार्सिलोनाको जित सुनिश्चित गरे ।
राफिन्हाले पहिलो दुई गोलमा असिस्ट गर्दै प्रभावशाली प्रदर्शन गरे ।
यस जितसँगै हान्सी फ्लिकको टोली बार्सिलोनाले पाँच खेलबाट शतप्रतिशत जितसहित १५ अंक जोडेको छ । बार्सिलोना दोस्रो स्थानको रियल मड्रिडभन्दा तीन अंकले अगाडि शीर्षस्थानमा रहेको छ । रियलले पाँच खेलबाट १२ अंक बनाएको छ ।
प्रतिक्रिया 4