३ असोज, रोल्पा । रसुवा बाढीमा बेपत्ता भएको दाजुको परिवार फेला पार्ने आश मारेपछि रोल्पाका भीमप्रकाश बुढामगरले काजकिरिया थालेका छन् ।
भदौ १० मा रसुवाको भोटेकोशी नदीमा आएको बाढीले रोल्पाको परिवर्तन गाउँपालिका–६ थानेकोटका कुलप्रसाद बुढामगरको परिवार सम्पर्कविहीन पारेको थियो ।
कुलप्रसादसँगै उनकी पत्नी मीना घर्तीमगर, छोरा डिप बुढामगर र छोरी खुशी बुढामगर सम्पर्कविहिन भएका थिए ।
कुलप्रसादको परिवार ९ वर्षदेखि रसुवाको टिमुरे बजारमा मासु पसल सञ्चालन गरेका थिए ।
बाढीपछि दाजुको परिवार सम्पर्कविहीन हुँदा भीमप्रसाद खोजी गर्दै नवलपरासी, चितवन, नुवाकोट र काठमाडौंसम्म पुगेका थिए ।
अस्पतालदेखि शवगृह, नदी किनार, बगरदेखि सकेको जंगलसम्म चहार्दापनि कतै मेसो नपाएपछि भदौ २० गते उनी घर फर्किएका थिए ।
‘आशा थियो, कतै कोही त जीवित भेटिन्छन् कि भनेर । अब दिन घर्किँदै गएपछि त्यो आशा सकियो,’ भीमप्रकाशले भने, ‘अब त याद मात्र बाँकी रह्यो ।’
दाजुको परिवार भेटिने आशा मारेपछि शनिबार उनले चारै जनाको शव बनाएर दाहसंस्कार गरेका छन् ।
‘आज दाजु–भाउजु र भतिज–भतिजीको भौतिक शव फेला नपारे पनि संस्कारअनुसार कृत्रिम शव बनाएर दाहसंस्कार गरिसक्यौं,’ भीमप्रकाशले भने । दाहसंस्कारपछि आफूहरू काजकिरियामा रहेको उनले सुनाए ।
रसुवा बाढीमा रोल्पाका सुरुमा सम्पर्कविहीन रहेका ३२ जनामध्ये ८ जना सम्पर्कमा आइसकेका छन् । २४ जनाको अवस्था अझै अज्ञात रहेका छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4