२०८३ असोज १० गते ९:३८ 
News Summary
Generated by OK AI. Editorially reviewed.- २०औं एसियन गेम्सअन्तर्गत पुरुष म्याराथनमा नेपालका बहादुर खड्का २ घण्टा २३ मिनेट ४२ सेकेन्डमा अन्तिम स्थानमा रहेर दौड पूरा गरे।
- जापानका इचिताका यामाशिताले २ घण्टा १० मिनेट ४९ सेकेन्डमा दौड पूरा गर्दै स्वर्ण जिते, भारतका सावन बरवाल दोस्रो र चीनका फेङ पेइयु तेस्रो भए।
- पहिलोपटक एसियन गेम्स खेलेका खड्काले बैकुण्ठ मानन्धरको करिब ४ दशक पुरानो कीर्तिमान तोड्ने लक्ष्य राखेका थिए, तर सफल हुन सकेन।
१० असोज, काठमाडौं । २०औं एसियन गेम्सअन्तर्गत पुरुष म्याराथनमा नेपालका बहादुर खड्का अन्तिम स्थानमा रहेर दौड पूरा गरेका छन् ।
खड्काले निर्धारित दूरी २ घण्टा २३ मिनेट ४२ सेकेन्डमा पूरा गरे । उनी विजेता जापानका इचिताका यामाशिताभन्दा १२ मिनेट ५३ सेकेन्ड पछि रहे ।
जापानका यामाशिताले २ घण्टा १० मिनेट ४९ सेकेन्डमा दौड पूरा गर्दै स्वर्ण जिते । भारतका सावन बरवाल ४८ सेकेन्डले पछि पर्दै दोस्रो भए भने चीनका फेङ पेइयु १ मिनेट २४ सेकेन्ड पछाडि रहँदै तेस्रो भए ।
पहिलोपटक एसियन गेम्स खेलेका खड्कले करिब ४ दशक पुरानो बैकुण्ठ मानन्धरको कीर्तिमान तोड्ने लक्ष्य राखेका थिए तर त्यो सफल हुन सकेन ।
मानन्धरले सन् १९८७ मा भारको कोलकातामा भएको तेस्रो दक्षिण एसियाली खेलकुदमा २ घण्टा १५ मिनेट ०३ सेकेण्डको कीर्तिमान बनाएका थिए ।
म्याराथनमा धेरैले मानन्धरको कीर्तिमान तोड्ने प्रयास गरेपनि सकेका छैनन् ।
प्रतिक्रिया 4