News Summary
Generated by OK AI. Editorially reviewed.- बुधबारदेखि परेको निरन्तर वर्षा र बाढीपहिरोले राजमार्ग तथा ग्रामीण सडक अवरुद्ध हुँदा कालीमाटी फलफूल तथा तरकारी बजारमा आपूर्ति प्रभावित भएको छ ।
- ७ असोजमा कालीमाटीमा ६ लाख १३ हजार ५ सय ८० किलो तरकारी र ८१ हजार ४ सय ७५ किलो फलफूल भित्रिएको थियो ।
- ९ असोजमा आपूर्ति सबैभन्दा धेरै घटेर २ लाख २ हजार २ हजार ३६ किलो तरकारी र २५ हजार ४ सय ८६ किलो फलफूल मात्र बजारमा भित्रिएको छ ।
११ असोज, काठमाडौं । बुधबारदेखि देशभरि परेको निरन्तर वर्षा र त्यसपछिको बाढीपहिरोले मुख्य राजमार्ग तथा ग्रामीण सडक अवरुद्ध हुँदा देशको सबैभन्दा ठूलो तरकारी बजार काठमाडौंको कालीमाटी फलफूल तथा तरकारी बजारमा कृषि उपज आपूर्ति प्रभावित भएको छ ।
कालीमाटी तरकारी बजार विकास समितिको ७ देखि ११ असोजसम्मको आपूर्ति तथ्यांक विश्लेषण गर्दा दुई दिनमा सुधार आएको भने देखिन्छ ।
७ असोजमा कालीमाटी बजारमा ६ लाख १३ हजार ५ सय ८० किलो तरकारी र ८१ हजार ४ सय ७५ किलो फलफूल भित्रिएको थियो, जुन सामान्य अवस्थाको आपूर्ति थियो ।
तर, वर्षा र पहिरो प्रभाव बढ्दै जाँदा ८ गते तरकारी आगमन ५ लाख ५५ हजार ९ सय ४ किलो र फलफूल ७४ हजार १ सय ५ किलोमा खुम्चिएको थियो ।
सडक अवरुद्धको सबैभन्दा ठूलो असर ९ असोजमा देखियो । यस दिन बजारमा अघिल्ला दिनका तुलनामा भारी गिरावट आउँदै जम्मा २ लाख २ हजार २ हजार ३६ किलो तरकारी र २५ हजार ४ सय ८६ किलोमात्र फलफूल कालीमाटी भित्रियो ।
१० असोजदेखि भने आपूर्तिमा सुधार आएको छ । सबैभन्दा कम आपूर्ति भएको ९ गतेको तुलनामा १० गते बजारमा तरकारी र फलफूल आगमन ह्वात्तै बढेको छ ।
तथ्यांक अनुसार १० असोजमा ४ लाख ७७ हजार ७ सय ८ किलो तरकारी र ५३ हजार ४५ किलो फलफूल बजारमा भित्रिएको छ । यो अघिल्लो दिनको तुलनामा दोब्बरभन्दा धेरै वृद्धि हो ।
त्यसैगरी आज १ लाख ९ हजार ५६ किलो तरकारी र २० हजार २ सय ६६ किलो फलफूल भित्रिएको उल्लेख छ ।
वर्षा र बाढी पहिरोका कारण काठमाडौं उपत्यकामा भित्रिएका अधिकांश तरकारी महँगिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4