+
+
Shares
गोप्य सूचना ‘लिक’ प्रकरण :

एआईजी वंशीसँग कनेक्सन देखिएका सापकोटा प्रहरी हिरासतमा

अनलाइनखबर अनलाइनखबर
२०८३ असोज २० गते १३:०९

२० असोज, काठमाडौं । गोप्य र संवेदनशील सूचनाहरू चुहाएको आरोपमा निलम्बन गरेर छानबिन सुरु गरिएका सशस्त्र प्रहरीका एआईजी वंशीराज दाहालसँग कनेक्सन देखिएका  इनम सापकोटा प्रहरी हिरासतमै रहेको खुलेको छ ।

उनी अहिले जिल्ला प्रहरी परिसर भद्रकाली, काठमाडौंको हिरासतमा रहेको पाइएको छ । परिसरका एसपी तथा प्रवक्ता दानबहादुर थापाले सापकोटा हिरासतमै रहेको पुष्टि गरे । ‘उहाँ हाम्रो हिरासतमा हुनुहुन्छ । विगत ३/४ दिनदेखि अनुसन्धान भइरहेको छ,’ प्रवक्ता थापाले अनलाइनखबरसँग भने ।

उनका अनुसार उनीमाथि अभद्र व्यवहारको कसुरमा जिल्ला प्रशासन कार्यालय काठमाडौंबाट म्याद लिएर प्रहरीले अनुसन्धान अघि बढाएको छ । अभद्र म्याद लिएर अनुसन्धान गरे पनि उनको कसुर भने अभद्र व्यवहारको नभई सूचनासँग सम्बन्धीत रहेको स्रोतको भनाइ छ ।

सापकोटाको कनेक्सन पूर्वप्रधानन्यायाधीश चोलेन्द्र शमशेर जबरादेखि व्यवसायी दीपक भट्टसम्म रहेको स्रोतको दाबी छ । पूर्वप्रधानन्यायाधीश जबरालाई प्रहरीले नियन्त्रणमा लिएर १२ घण्टापछि छाडेको थियो । त्यतिबेला प्रहरीले चालेन्द्रको मोबाइल समेत नियन्त्रणमा लिएर हेरेको थियो ।

त्यसपछि सापकोटा प्रहरीको राडरमा परेका थिए । उनलाई प्रहरीको विशेष व्यूरोले नियन्त्रणमा लिएको थियो । त्यसपछि परिसर काठमाडौंलाई बुझाएको थियो । अहिले परिसर काठमाडौंले उनीमाथि अनुसन्धान गरिरहेको छ । उनै सापकोटासँग समेत गोप्य सूचनाहरू ह्वाट्स एपमा चुहाएको आरोपमा अहिले सशस्त्र एआईजी दाहाललाई निलम्बन गरेर छानबिन गरिएको हो ।

चतुर्भुज भट्टको प्रष्टीकरण :

सम्पत्ति शुद्धीकरण लगायतका मुद्दाको पूर्पक्षका लागि थुनामा रहेका दीपक भट्टका बुवा चतुर्भुज भट्टले नख्खु कारागारबाट पूर्वप्रधानन्यायाधीश चोलेन्द्र शमशेर राणालाई फोन गरी मुद्दामा चलखेल गर्न अनुरोध गरेको भन्ने सूचना गलत भएको दाबी गरेका छन् ।

उनले अनलाइनखबरलगायतका सञ्चार माध्यममा प्रकाशित भएका यस्ता तथ्यसहितका समाचारहरू वास्तवित विरणसँग नमिल्ने भन्दै खण्डन गरेका छन् । भट्टका अनुसार, दीपक भट्टले नख्खु कारागारबाट पूर्वप्रधानन्यायाधीश राणालाई फोन सम्पर्क गरी मुद्दामा चलखेल गर्न खोजेको वा त्यस्तो प्रयास गरेको भन्ने अफवाहपूर्ण भएको दाबी गरेका छन्।

उनले दीपक भट्ट अदालतबाट न्याय प्राप्त हुने विषयमा विश्वस्त रहेको उल्लेख गर्दै सम्पत्ति शुद्धीकरण र बैंकिङ कसुरसम्बन्धी कसुर नगरेको बयान अनुसन्धान अधिकारी, विशेष अदालत र उच्च अदालत पाटनसमक्ष दिएको दाबी गरेका छन्।

त्यस्तै, बीमासम्बन्धी र धितोपत्रसम्बन्धी कसुर पनि नगरेको भनी दीपक भट्टले अनुसन्धान अधिकारी तथा काठमाडौं जिल्ला अदालतमा बयान दिएको चतुर्भुज भट्टको भनाइ छ।

पुर्पक्षका लागि थुनामा रहेको व्यक्तिले कारागारको निर्धारित स्थान र समयमा मात्रै फोन सम्पर्क गर्न पाउने तथा ह्वाट्सएपलगायतका माध्यम प्रयोग गर्न नपाउने व्यवस्था रहेको उल्लेख गरेका छन्। यही आधारमा दीपक भट्टले पूर्वप्रधानन्यायाधीश राणालाई फोन सम्पर्क गरेको भन्ने तथ्य असत्य भएको उनको दाबी छ।

यो समाचारमा दीपक भट्टबारे प्रस्तुत प्रसंगमा उनका बुवा चतुर्भुज भट्टले खण्डन गरेकाले उनको भनाईसहित अद्यावधिक गरिएको हो (मिति : २०८३ /0७/११) – सम्पादक

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?