News Summary
Generated by OK AI. Editorially reviewed.- दशैं सुरु भएसँगै काठमाडौं उपत्यकाबाट १ लाख ९ हजार ६३६ यात्रु थानकोट, साँगा र दक्षिणकालीलगायत नाकाबाट बाहिरिएका छन्।
- काठमाडौं उपत्यका ट्राफिक प्रहरी कार्यालयका अनुसार बाहिरिनेमा ६७ हजार ६९० पुरुष र ४१ हजार ९४६ महिला छन्।
- ट्राफिक प्रहरीले उपत्यकाका विभिन्न ठाउँमा यात्रु सहायता कक्ष स्थापना गरेर टिकट कालोबजारी, ठगी र यात्रु गुनासा सम्बोधन गरिरहेको छ।
२७ असोज, काठमाडौं । दशैं सुरु भएसँगै काठमाडौं उपत्यकाबाट बाहिरिने यात्रुहरूको संख्या बढ्न थालेको छ ।
उपत्यकाबाट थानकोट नागढुंगा नाका, साँगाका नाका, दक्षिणकालीलगायत नाकाहरूबाट १ लाख बढी यात्रु बाहिरिएको काठमाडौं उपत्यका ट्राफिक प्रहरी कार्यालय रामशाह पथको तथ्यांक छ ।
उपत्यका ट्राफिक प्रहरी कार्यालयका प्रमुख तथा एसएसपी सुरेश काफ्लेका अनुसार १ लाख ९ हजार ६३६ यात्रु उपत्यकाबाट बाहिरिएका छन् । जसमध्ये ६७ हजार ६९० पुरुष र ४१ हजार ९४६ महिला छन् ।
यो संख्या २५ र २६ असोजको हो । आज (२७ असोज)को तथ्यांक भने आउन बाँकी नै रहेको छ । २५ असोजमा ५२ हजार ८२७ यात्रु बाहिरिएका थिए । २६ असोजमा ५६ हजार ८०९ यात्रु बाहिरिए ।
ट्राफिक प्रहरीले उपत्यकाका विभिन्न ठाउँहरूमा यात्रु सहायता कक्ष स्थापना गरेर काम गरिरहेको छ । टिकटमा हुने कालोबजारी, ठगी, यात्रुका गुनासाहरू यात्रु सहायता कक्षमार्फत सम्बोधन भइरहेको एसएसपी काफ्लेले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4