२०८३ कात्तिक ३ गते २०:३३ 
News Summary
Generated by OK AI. Editorially reviewed.- आईसीसी क्रिकेट विश्वकप लिग २ अन्तर्गत ओमानमा अन्तिम शृङ्खला खेलेर नेपाली क्रिकेट टोली मंगलबार बेलुकी काठमाडौं आइपुगेको छ ।
- नेपालले ओमान र क्यानडासँगको शृङ्खलामा ४ मध्ये ३ खेल जितेको छ ।
- लिग २ का सबै ३६ खेलपछि नेपाल ३० अंकसहित छैटौं स्थानमा रहेर ओडीआई मान्यता जोगाएको छ ।
३ कात्तिक, काठमाडौं । आईसीसी क्रिकेट विश्वकप लिग २ अन्तर्गत ओमानमा भएको आफ्नो अन्तिम शृङ्खला खेलेर नेपाली क्रिकेट टोली स्वदेश फर्किएको छ ।
नेपाली टोली मंगलबार बेलुकी काठमाडौं आइपुगेको हो । टोलीलाई क्यानका तर्फबाट राजेश महर्जन, खेमराज अवस्थीलगायतले स्वागत गरे ।
नेपालले ओमान र क्यानडासँग भएको उक्त शृङ्खलाका ४ मध्ये ३ खेल जितेको थियो । ओमानलाई दुवै खेलमा हराउँदा क्यानडासँग एक जित र एक हारको नतिजा नेपालले निकाल्यो ।
यस शृङ्खलापछि नेपाल लिग २ मा सबै ३६ खेल खेलेर ३० अंकका साथ छैटौं स्थानमा रह्यो । छैटौं स्थानसम्म रहनु ओडीआई मान्यता जोगाउनुसरह भएकाले अर्थपूर्ण थियो ।
नेपाली खेलाडीहरू अब दसैंको टिकापछि एनपीएलको तयारीमा जुट्नेछन् ।
प्रतिक्रिया 4