News Summary
Generated by OK AI. Editorially reviewed.- यातायात व्यवस्था कार्यालय राजविराजले सेवाग्राहीलाई पालिकामार्फत सवारी चालक अनुमतिपत्र वितरण गर्न अभियान सुरु गरेको छ ।
- हाल बोदेबरसाईन नगरपालिका, बलान बिहुल गाउँपालिका र सुरुङ्गा नगरपालिकाबाट लाइसेन्स वितरण सुरु गरिएको कार्यालयले जनाएको छ ।
- कार्यालय प्रमुख शशीप्रसाद यादवले प्रिन्ट भएर आएका लाइसेन्ससमेत पालिकामै पुर्याएर घरघरमै वितरण गर्ने व्यवस्था मिलाइएको बताए ।
१७ कात्तिक, सप्तरी । यातायात व्यवस्था कार्यालय राजविराजले सेवाग्राहीलाई सहज रूपमा सवारी चालक अनुमतिपत्र (लाइसेन्स) उपलब्ध गराउन पालिकामार्फत वितरण अभियान सुरु गरेको छ ।
लाइसेन्स छापिएपछि लिनकै लागि यातायात कार्यालय धाउनुपर्ने बाध्यता अन्त्य गर्ने उद्देश्यले कार्यालयले पालिकामार्फत वितरण सुरु गरेको हो ।
कार्यालयका अनुसार हाल बोदेबरसाईन नगरपालिका, बलान बिहुल गाउँपालिका र सुरुङ्गा नगरपालिकाबाट सेवा सुरु गरिएको छ । केही दिनभित्रै जिल्लाका सबै पालिकालाई एकमुष्ट रूपमा लाइसेन्स हस्तान्तरण गर्ने तयारी भइरहेको छ ।
बलान बिहुल गाउँपालिकाका अध्यक्ष खेमचन्द्र यादवले कार्यालयको यस कार्यले सेवाग्राहीलाई सहजता प्रदान गर्नुका साथै सकारात्मक सन्देश दिएको बताए ।
यातायात व्यवस्था कार्यालय राजविराजका प्रमुख शशीप्रसाद यादवले पालिकालाई लाइसेन्स हस्तान्तरण गरेपछि स्थानीय तहले सेवाग्राहीको घरघरमै पुगेर वितरण गर्न सक्ने बताए ।
‘लाइसेन्स नवीकरण नै अनलाइनबाट गर्न मिल्ने भएपछि सेवाग्राहीलाई थप सहजता होस् भनेर प्रिन्ट भएर आएका लाइसेन्ससमेत पालिकामै पुर्याउन थालेका छौँ,’ कार्यालय प्रमुख यादवले बताए ।
बोदेबरसाईन नगरपालिका–१० का उमेश कुमार यादवले पालिकाबाटै लाइसेन्स प्राप्त गर्न पाउँदा खुसी लागेको बताए ।
सुरुङ्गा नगरपालिकाका प्रमुख गीता चौधरीले तयार भइसकेको लाइसेन्स पालिकाबाटै उपलब्ध हुँदा सेवाग्राहीको समय र खर्च दुवै बचत हुने बताइन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4