१८ कात्तिक, जनकपुरधाम । जनकपुरधाम रेल्वे सेवाको प्रभावकारी सञ्चालन तथा व्यवस्थापनका लागि जनसरोकार अभियानले नेपाल रेल्वे कम्पनीलाई १० बुँदे मागपत्र बुझाएको छ ।
अभियानका अध्यक्ष जितेन्द्र महतो नेतृत्वमा जनकपुरधामको धार्मिक, ऐतिहासिक तथा सांस्कृतिक महत्त्वलाई ध्यानमा राख्दै रेल सेवा थप व्यवस्थित र यात्रुमैत्री बनाउन माग गर्दै नेपाल रेल्वे कम्पनीकन प्रवन्धकलाई ज्ञापनपत्र बुझाइएको हो ।
नेपाल–भारत सरकारको संयुक्त पहलमा वि.स.१९९३ मा सुरु भएको जनकपुरधाम–जयनगर रेल सेवा विभिन्न कारणले बन्द भएको थियो । भारत सरकारको सहयोगमा रेल्वे सेवा स्तरोन्नति गरी २०७८ चैत १९ गतेदेखि पुनः सञ्चालनमा आएको हो ।
अभियानले रेल चढ्ने यात्रुको सहज आवागमन, प्लेटफर्मको दैनिक सरसफाइ, व्यवस्थित प्रतीक्षालय, शौचालय तथा खानेपानीको उचित व्यवस्थापन गर्न माग गरेको छ ।
त्यस्तै, रेल्वे स्टेसनमा रहेका भौतिक संरचनाको मर्मतसम्भार, विद्युतीय उपकरणको नियमित सञ्चालन, खाली जग्गालाई पार्क तथा बगैँचाका रूपमा विकास, हात बजारको व्यवस्थित सञ्चालन र सडक तथा छेकबारको उचित व्यवस्थापन गर्न आग्रह गरिएको छ ।
अभियानले रेल्वे क्रसिङमा दुर्घटना न्यूनीकरणका लागि आवश्यक व्यवस्था तथा मालवाहक ढुवानी सेवा सञ्चालन गर्नसमेत माग गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4