२७ असोज, जनकपुरधाम । जनकपुरधाममा दशैंको रौनक छ । यहाँका प्रशिद्ध शक्तिपीठहरू राजदेवी मन्दिर, बौधीमाई, पिडरियामाईलगायतलाई नवदुलहीझैँ सिँगारिएको छ । विशेषगरी राममन्दिर आसपासका शक्तिपीठहरू श्रद्धालु भक्तजनको आकर्षणको केन्द्र बनेका छन् ।
राजदेवी मन्दिरको प्रवेशद्वार सबभन्दा बढी आकर्षक हुन्छन् । राजदेवी मन्दिर र बौधीमाई मन्दिर परिसरमा आयोजित सांस्कृतिक कार्यक्रम तथा विभिन्न खेलतमासाले दशैंको रौनक थप बढाएको छ । यहाँ साँझ दिनहुँ भक्तजनको घुइँचो लाग्ने गरेको छ । झिँझियालगायतका नाच प्रदर्शन हुन्छ । गोपाल धर्मशालामा दशैं अर्थात् सस्तो बजार लागेको छ ।
जनकपुरधामका मुख्य चोकहरू रामानन्दचोक, मुरलीचोक, भ्रमरपुराचोक, रजौल, देवीचोक, जानकीचोक र वंशीचोकमा कतै शक्तिपीठ त कतै भगवतीका भव्य प्रतिमा स्थापना गरी आकर्षक ढङ्गले सजाइएको छ । चोक–चोकमा निर्माण गरिएका कलात्मक टेन्ट तथा पण्डाल र रातको समयमा झिलिमिली बल्ने रङ्गीबिरङ्गी बत्तीले सहरको सौन्दर्य थप बढाएका छन् ।
दशैंका अवसरमा जनकपुरधाममा घटस्थापनादेखि नै १० दिनसम्म विशेष चहलपहल र उत्साह हुन्छ । यस पर्वको रौनक हेर्न तथा शक्तिपीठहरूमा पूजाआजा गर्न टाढाटाढाबाट श्रद्धालु र पर्यटक जनकपुरधाम आउने गर्छन् । स्थानीय युवा संगठनहरूले पनि दशैंलाई भव्य बनाउन महत्त्वपूर्ण भूमिका खेल्दैआएका छन् ।
महावीर युवा कमिटी, राम युवा कमिटी र रामानन्द युवा क्लबजस्ता संस्थाले सहरका विभिन्न चोकमा लाखौँ रुपैयाँ खर्च गरेर आकर्षक सजावट गरेका छन् । बर्सेनि युवाहरू दशैं आउनुपूर्व नै चन्दा संकलन तथा सर–सजावटमा सक्रिय हुने गर्दछन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4