बससेवाबाट टिकट लिँदा टुर प्याकेज र क्यासब्याक अफर

८ चैत, काठमाडौं । अनलाइनबाट बसको टिकट उपलब्ध गराउँदै आएको बससेवा डटकमले नयाँ वर्षको अवसर पारेर उपहार योजना ल्याएको छ । उपहार योजनामा यात्रुहरुले टुर प्याकेज सहित क्यासब्याक अफर प्राप्त गर्न सक्नेछन् ।

उपहार योजना चैत १० गतेदेखि सुरु भइ बैशाख १० गतेसम्म लागू हुने बताइएको छ । यस अवधिमा अनलाइनबाट टिकट काट्ने यात्रुमध्येबाट २ जोडीलाई पोखराको तीन दिने टुर प्याकेज प्रदान गर्ने कम्पनीले जनाएको छ । साथै, ५ जनाले शत प्रतिशत क्यासब्याक र अन्य १० जनाले टिकट मूल्यको ५० प्रतिशत क्यासब्याक प्राप्त गर्नेछन् ।

बससेवा डटकमका प्रमुख कार्यकारी अधिकृत पर्शुराम खनालले अनलाइन टिकटिङ सुरू गरेको छोटो अवधिमै राम्रो सफलता मिलेको बताए । घरबाटै टिकट काटी गन्तब्यमा पुग्न सकिने सेवालाई अझ विस्तार गर्न तथा यात्रुहरुमा नयाँ वर्षको खुसी साट्नको लागि उपहार योजना ल्याएको उनको भनाई छ ।

बससेवाबाट उपलब्ध हुने टिकटहरू

काकडभिट्टा	बिराटनगर	बिरगन्ज	दील्ली	सुनौली	सुर्खेत
बिर्तामोड	धरान	चितवन	बनारस	भैरहवा	कोहलपुर
दमक	कल्यानपुर	हेटौडा	पोखरा	लुम्बिनी	दैलेख
भद्रपुर	राजबिराज	लालबन्दी	सौराहा	तौलिहवा	अर्घाखाँची
बनियानी	मिर्चैया	सर्लाही	गाईघाट	बुटवल	गुल्मी
इटहरी	लहान	बर्दिबास	जनकपुर	पाल्पा	कृष्णनगर
ईलाम	गौर	पशुपतीनगर	नयाँपूल,कास्की	गोर्खा	वालिङ
तेह्रथुम	घुर्मि	भुलभुले,लमजुङ	नेपालगञ्ज	मनकामना	गल्याङ
मलङ्वा	रामेछाप	सिन्धुली	जटही	ओखलढुंगा	मिर्मी
बुधबारे	गौरिगंज	इटहरा	महेशपुर	दिक्तेल	हलेसी
लेटाङ्ग	रंगेली	सौठा	परासी	तुल्सीपुर	सोलु

बस सेवाले ८ महिना अगाडि अनलाइन टिकटिङ सेवा सुरु गरेको हो । हाल दैनिक ३ सयको हाराहारीले अनलाइनबाट टिकट काट्ने गरेको खनालले जानकारी दिए ।

बससेवाले हाल देशभरका १५० भन्दा बढि यातायात व्यवसायीहरूसँगको सहकार्यमा मुलुकका मुख्य रूटहरूमा बसको टिकट सरकारले तोकेको अर्थात् काउन्टरको दरमा नै अनलाइनमार्फत् उपलब्ध गराउँदै आएको छ ।